امس رحت حفلة تخرج بنت جيرانا من ثالث ثانوي ,,
بيتهم قدام بيتنا واول مرة ادخل بيتهم 
… وقبل لا نروح الحفلة اختي اكتشفة ان في شئ ناقص ببدلتها وكان لازم نطلع السوق وتشتري لها ،، ورجعنا من السوق الساعه 8 بالليل وعندنا سواق ماشاء الله تبارك يلف الشرقيه كلها على شان بس مايوقف قدام اي اشارة مرور 
ويحب يتفلسف ويسوي حركات .. (( حسبي الله ونعم الوكيل ))
رحنا امس الحفلهـ بصراحهـ كانت حفلهـ رائعه جدا جدا …
بس للاسف عدد الحضور قلييييييييل جدا جدا جدا
والسبب ان عندهم حاله وفاة وماقدروا يعزمون كل الاهل والاقارب 
وكل الموجودين عماتهم وخالاتهم 
واكرهـ شئ بحفلات البنات لما يكون الامهات موجودين وعدد البنات قليل ..!!
اللى صار بالحفلهـ اول مادخلت لقيت بنت تشبة صديقتي مسس سويت ..!! انا طلعت عيني على برا
لما شفتها كانت صدمة بالنسبة لى لان تشبها مرهـ (( توني اعرف ايش يعني يخلق من الشبه اربعين ))..
وقبل لانقص الكيك ،، اخت الخريجة سوت عرض بوربوينت عن مراحل نمو اختها وحطت صور الخريجه كانت فكرة حلووهـ بصراحهـ وبعدين ادخلت البنت الخريجة وجايبه هديهـ حق امهـــا وبدا الصياح والدموع 
من قبل الكل والجميع …!! (( الله يهديهم اقلبوا المسئلة صياح ))
ولين مارجعت البيت وانا احس نفس مستطربة من الحفلة 
.. وجلسة سواليف مع اختي ساعه كاملة عن فلانه وعن فلانه … (( بس ماحشينا كان كلهـ مدح ))
امس اتفقوا خواتي اننا نروح زواج ولد عمتي يوم الاربعاء القادم باذن الله ،،,
لما رحت ابدل ثيابي 
وبشيل عدساتي احس العدسة اللى باليمين تحرقني مادري ليه غريبة اول مرة يصير كذا ولما شلتها لقيت من على طرف العدسة مقطوعه وهذا السبب خلاني اخذها وارميها بالزبالهـ
لما خلصت سواليف مع اختي رحت اشوف مسلسلي البايخ ((هدوء العاصفهـ )) الحمدلله الحمدلله كان امس الحلقة الاخيرهـ انا مادري شلون شفت هذا المسلسل البايخ ،، اهو قديم 2004 بس انا اول مرة اشوفهـ ..!!وامس الحلقة الاخير كل الموجودين بالمسلسل ماتووا
وخلوني اجلس اصيح 
وضاق صدري بعد ماكنت فرحانة توني راجعه من الحفلة ،، والحمدلله ماكان في احد معاي بالصاله بس لما لفيت يمين لقيت علبة المناديل جمبي تطالعني 
وجلسة اسحب مناديل واصيح ..!!
اول مرة اشوف مسلسل يموووت كل الموجودين وكللللللللل المسلسل بالنهاية كانوا يصيحون ..
دعية على الى كتب القصة لانها بايخه ونهاية سخيفة
والاسخف من هذا اني انا الغبية جلسة اتابع هذا المسلسل اللى يضيق الخلق
بس صحت على البنت اللى ضيعة بيتهم بالمسلسل تذكرة نفسي 
تحديـــــــــــــــــــــث ..
انا الحين ماشيهـ البحرين تامرون على شئ من البحرين …!!
اول شي اقولك سلامتك تروحين وترجعين بالسلامه
وبصراحه حلو حفلة بنت جيرانكم شكله غير مكلف ابد وحركة البوربوينت شييييي
واما المسلسلات السخيفه ياكثرها بس المشكله احنا ليش نتابعها
توصها توصلكم حركة البوربوينت
على طاري المسلسلات البايخة حاجة تقرف … انا ماشفت المسلسل بس اتوقع انه كويتي … لانهم يتفننو في الدراما والبكى …
الان على طاري السؤال اش نبي من البحرين ابغى حلاوة بحريني … رحت الشرقية قبل فترة واشوف سيارات كثير تبيعها ومعلقين لوح حلاوة بحريني … واجي اشتري مافي احد على السيارة …
سؤال هل الحلاوة البحريني نفس الحلاوة العمانية ولا في اختلاف !
مايامر عليج عدو
بصراحه تدوينة حلوه وضحكت واجد
بس بخصوص المسلسل معقولة ما اكتشفتي أن المسلسل بايخ إلا في نهايته ؟!!!
كان مفروض من في بداية الحلقات أو حتى في النص تكونين قوية وتتخذين قرار بعدم اكمال بقية الحلقات
حرام تضيعين وقتج على الفاضي
لارا
الله يسلمك يا عسل
وصحيح الحفلة ماكانت مكلفة ابدا ابدا حفلة بسيطة
بس طيبة قلب اصحاب البيت وابتسامتهم تخلي الحفلة فوووووووق الرائعه
اما المسلسل ماكنت اتابعه كل يوم بس مادري ليهـ احرص على متابعته
بس والله عيني احرقتني من الدموع
حسبي الله عليه من مسلسل اخر مرة اتابعه
محمد الملياني
لا لا لا من زماااااااااااااااااااااااااان نعرف للبور بوينت
وانا من الحريفين فيهـ بس كرهتة والسبب ان ايام المدرسة كل اسوي الاذاعات عروض بوربوينت …
بس هذي حلوة ان سوها بوسط حفلة صغيرهـ ،، بالعاده يسونها بحفلات كبيره
وعلى فكرة الملياني ترى المسلسلات الكويتيه بعد تحزن كثير وفيها صياح وتقول فلم هندي بس النهاية تكون حلوة اما هذا بحريني ونهايته محزنة جدا جدا جدا جدا
يضيق صدر الواحد
كلللللللللللل المسلسل ماتوا وكلهم كانوا يصيحون
اما بالنسبة للحلوى .. اذا ماشي صح جاكم جدة قولة يجيب لكم حلوى حمره وخضرة …((ماشي صح متخصص بالحلوى شويطر خله يجيب لك خخخخخخ )) وترى الحلوى البحرينيه احلى من العمانيه ..
انا ذقة العمانيه مش حلوة زي البحرينيه ولا طرية زي البحرينية !!!
واذا جيت الشرقية لاتشتري من اللى يبيعون بالسيارات ترى الحلوى تكون قاسية ومو لذيذة مرة ..
الا في حالة وحده اذا كان يوم الثلاثاء روح محلات كازو يجيبون الحلوى حارة من البحرين وطريهـ
بحرينية
حياك الله
منوووورهـ
مــوشي صوح >> بالبحريني
والله مودري اخوي وش اللى خلوني اتوبع هالموسلسل وايد كان بويخ
تدري ليه اخوي كان بويخ المسلسل .. لان اللى كوتب القصة شخصين مش واحد
والثوني اللى كوتب القصة اهو نفس المخرج
وايد عوراو قلبي زي ماعور قلبك علي بحر انهم بيطردونة من البيت :d >> وجه مطلع لسانهـ
وبعدين اخوي الله يهدووك انا وش دريني ان المسلسل بوويخ كونت القصة واااايد حلوه ومشوقه بس الادمر من ذي .. انى ونا ماتابعه كل يوم .. اتوبعه يوم وترك واعرف القصة كلها
والعدسه اللى احرقة عيني والمسلسل يصيح زاد التعذيب
الحمدللهـ ان مافي احد معاي يشوف المسلسل
حيوك الله موشي صووح
ــــــــــــــــــــــــــــــــــــــــ
ترجمه لاهــل السعوديه :
كل حرف الواو اقلبهـ ( ألـــف )
^___*
صراحة تدوينة عجيبة ومت عليها من الضحك
رايحة البحرين ؟؟؟ شلج بالرطوبة والحر والزحمة !!
يالله ننتظر التدوينة الجاية عن البحرين
يالله فللله
جمعات البنات توسع الصدر
مره ثانيه بروح معك (:
انبسطت لما قلتي انك ماتحبي الامهات في الحفلات
لاني انا كذا لك استحي اقول ( الأخلاق مشكلة (: )
دايم اعلق على مدونتك ومايضبط معاي
يارب هالمره يضبظ ):
ترجعي بالسلامه عسوووله
ذكرتيني بحفلة بنت خالتي
ما لقوا الا يذكروني بأغلى وحدة على قلبي
امي اتصلت علي الساعة 6 الفجر (وحدة الليل عندكم) بس عشان تقول لي اسمعي زفة تخرج نهى!! وانا اللي كنت نايمة ومتهنية قلبوا علي المواجع
اممم مدري البحرين اش فيها مميز عشان نشتريه؟ بس أي حاجة تاخديها دبّليها خخخخخ
تروحي وتجي بالسلامة حبوبة
عمــــــــــار
حياك الله ودوم الضحكة
بس رايحه البحرين عندي شغل
خخخخخ ينقالك بزنس يعني لوووولز
اصلن مالى دخل بالسالفة بس سمعتهم بيروحون نشية فيهم ههههههه
والله اكبر ماعندنا رطوبة وحر بالشرقية
كلهم زي بعض …
حياك الله
خــــــولهـ
حياكــ الله معانا في التدوين وتوني ادري عن مدونتك
اتمنى لك التوفيق
والمرة الجاية باخذك معاي حياك الله وبياك ×)
بس الامهات بعض الاحيان يكونون وناسة ويسون جو بس لما يكونون كبار وثقال مايصير وناسة >> وجهة نظر
وان شاء الله دائما يضبط معاك التعليق في المدونة
منووووره
أسمـــــــــــاء
يللة معليه هونيها وتهون يااارب
وادعيلها ان الله يوفقها ويسعدها وعقبالك يااارب :d
ومسكينة امك تبي تحسسك انهم مانسوك وتسمعك لو القليل من الحفلة
خخخخخخخخخخخ خلاص ابشري المرة الجاية في روحة للبحرين ولك حلوى ومتاي ودرابيل هذا المشهور خخخخخخخخخخخخخخخخخخ
×) منورة يا سكرة
تروحين وترجعين بالسلامة ..
ترى الجسر فيه رادار
^
^
الله يسلمك رجعت
ورادارهم لهم
مش للشعب السعودي >>> قوولي قسم
خخخخخخخخخخخخخ
لازم تجي حفلتي أنا كمان
تعالوا اعملو عمرة ومرو علينا اوكي
مرررررة زمااااااان عن المسلسلات والحركات الصعبة والضرب والبكا خخخخخخخخخخخخخ
اتذكر مرة انا وأخواتي وبنات خالاتي كلنا متجمعين في بيت خالتي الكبيرة وسهرة للصبح الساعة تسعة ولازم اخر الليل نحط فلم هندي مساكين بعضهم يدخلو جو ويبكوا وأنا اخذاهم تريقة لليل لاني مو من النوع اللي ابكي على الاشياء هذي
بشري كيف البحرين
من جد اصحاب الحفلة بعد مضيعين مثلك يا مضيعه.. جلست اضحك على عرض البوربوينت اللي سوته
اخت المتخرجه..حشى رايحين توقيع عقد شركة عشان تنزل مساهمه مو حفلة تخرج..
و يعني ما لقت البنت تعطي هديه لامها الا قدام الناس عشان البرستيج؟؟؟
و اعتقد انك من زود الطرب رجعتي لبيتكم وانتي تمشي ورى ورى و عاش واقف..هههههه
على العموم ربنا يوفقها في حياتها المستقبلية و ربي يوفقك الجميع..