εìíз صيفي 2007

هذا الصيف لم يحمل لي الكثير من المتعه ،، ولم يحمل لى الكثير من الفائده .. كل سنة صيفية اسجل بدورات استفيد منها ..

واذا ماتعلمة منها شئ يكفي ان نومي يكون منظم ولم يتخلبط كما تلخبط تلخبطاً هذا الصيف ..

اعترف باني ضربة الرقم القياسي بالنوم هذا الصيف ..

واعترف انى سهر طول اليل ونوم طول النهار لا مو النهار كلة لحد الساعه 1 ظهرا

و قالت احد صديقاتي مسس كيوت ” والله وكبرتي يا مضيعه ” لاني صرت اسهر لين الفجر خخخخخ

بس اللى استفت منه هذا الصيف الفوتوشوب احس انى صرت شاطره كثيــر بس احتاج لشغلات على شان اصير اشطر ..

ماعندي مغامرات كثيرة هذا الصيف ،، اتوقع انى كبرة وعقلة >> لايكثر ^__^

ومادري وش اللى جاني صرت ماشتهي اطلع من البيت افضل جلسة البيت على كل الطلعات

وهالصيف مانمت في بيت جدي زي كل صيف ومارحت كثير، الايام اللى رحتها كانت معدودة بس استمتعت كثير هذا الصيف معاهم ..

راح احاول ارجع ذكريات المهمه لهذا الصيف الذي انتهى ولله الحمد على خير ..

في بعض البوستات القديمة تكلمت عن يوميات والعطلة

من الاشياء اللى ماذكرتها بالتدوين

مع بنت خالتي وخواتي رحنا الراشد وقلنا خلنا نشوف التوسعه اللى الناس ازعجونا عليها ،، ولما رحنا مافي الا بس مادري كم محل الا فتح بس احلى شئ انها فااااااضية مافي ناس يعني تتحرك ع راحتك .

ورحنا كافي د.كيف وطلبنا .. كان من ضمن المحلات اللى توها فاتحه بالراشد دكتور كيف بس الخدمة سيئة جدا جدا

وكل اللى طلبناه عطونا العكس وخدمة زيروو واخر مرة نروح لهم >> عصبت

لدرجة ان دخل احد الزباين ينادي واحد من العمال يقولة تعال نظفوا لنا الطاولة يقولون له مافي احد ينظف لدرجة ان كثير من الزباين اطلعوا واتركوا المكان ..

خدمة كانت سيئة جدا جدا

في وسط العطلة لما جاو بنات خالى وخالتي من جميع انحاء المملكة ودول الخليج ،، جاو وتغدوا عندنا كان يوم ممتع بصراحة ..

بس انا كان فيني نوم بعد الغداء ,, وجالسة بنفس مكاني ماغيرتة ومقابلني باب المجلس اشوف اللى رايح واللى جاي >> موقع استراتيجي .. واحنا مندمجين بالسواليف والقصص وكل وحده وقصصها طول السنه ،، الا تدخل بنت خالى الصغيرة وبيدها كيكة وكلها شموع وعرفنا ان يوم ميلادها .. ” العمر كلة يارب “

وكلنا بصوت واحد هبي بيرتي تووويووو

في كل عطلة صيفية لازم لما تتخرج اي بنت من الثانوي او الجامعه نسوي لها حفل تخرج

وطبعا بدون ماتدري الخريجة يكون سبرايس

وهذي السنة كان حفل تخرج بنت خالتي من الثانوي ،، واتفقنا كلنا البنات نلبس أصـــــــفــر لان متاكدين ان ماعندها لون اصفر

وبدينا نفخ البلونات باللونين الاصفر >> على شان لبسنا

والبنفسجي >> على شان ثوب تخرجها

كان عدد البلونات هاااااااااااااائل اول مرة ننفخ بهذا العدد لدرجة اننا تعبنا فوق 10 بنات وصاحبة الحفلة ماتدري ( المشكلة تعبنا واحنا ننفخ ولا وحده جابت منفاخ معاها )

كانت احلى حفلة لان صار سبرايس من قلب ^_^

وهذي صورة الكيكة ( صورتها واهي صغيرة عمرها 4 شهور على مأظن .. وكانت هالصورة مصورتها امها حاطتها داخل سلة )

وكلنا بصوت واحد ..

وحياة قلبي وافراحوا ………..الخ والناجح يرفع ايدووووه هاااااااااااااااااي >> حماس ” اغنية عبدالحليم حافظ ” :d

وبالاخير اتمنى ان تعود العطلة الصيفية علينا كل سنة بالصحة والعافية

وان شاء الله الاجازة الصيفية القادمة تكون احلى من هالعطلة بكثيييييييييييييييييييير

واجد منزلنا وتكون الفرحة فرحتين

لان ماستمتعت بهالعطلة كثيـــر,,

وكل عام وانتم بالف خــــــــير

بالاخير

دعواتكم لولد خالتي بالشفاء العاجل اهو الان بالرياض متنوم بالمستشفى ،، والكيماوي مكثف مررة وتعبان ..

اللهم انت الشافي انت المعافي اشفي جميع مرضى المسلمين وعافيهم ..