εìíз C a T

سبحـــان الله ، حتى الحيوانات تفقد أمها ,, ولها احساس وشعور سبحان الله ..

 

والانسان قلبة زي الحجر مايفقد أحد ولا يحس في احد وكل همه نفسه ,,

 

ولد اخوي ،قلت لكم انه يلعب من القطط اللى بحديقة البيت ، ومسميهم “بارني” ،، وطبعا مانرضى له يمسكهم لان القطط وصخه واكيد تحمل امراض ولازم من بعيد لين بعيد يلعب معاهم ،،

 

اشترى اخوي الاسبوع هذا قطه صغـيـــرة حق ولده ( أحمد) .. وطبعا اخوي يحب القطط حب مو طبيعي وولده الظاهر بيطلع عليه

” بس اخته اللى اهي انا ماتحب شئ اسمة قطه “

 

وهذي اهي قطه مودي الجديدهـ .. وطبعا سماها “بارني ” هع هع

 

 

مسكينة القطة زعلانه من يوم ماجابوها ولا شربة حليب ،، وصغيره مررررررره وماتقدر تمشي عمرها الظاهر (شهر بس )

 

والظاهر انها طول الوقت تدور على امها ، والله العظيم ياجماعه انها تقطع القلب كانها انسانه وتحس >> سبحان الله ..

 

 

اقول حق أخوي حرام مسكينة شكلها خايفة ،، وزعلانه تدور امها ,,

 

يقول لا وش عرفها معلية تتعود على الوضع وبتعيش >> الحمدلله انى مش قطوة

 

المهم مابطول عليكم ياجماعه الخير ..

 

ثاني يوم من جاب اخوي القطوة بدت القطوة تطرش عليهم بالبيت ( وانتم بكرمة ياجماعه )

 

توهق اخوي فيها وحاولوا يشربونها حليب مافي فايده مو راضيه

 

وكل ماجاو يكلمونها تصد عنهم ماتبي تشوفهم >> والله زي البني ادم يحسوون ويقطعون القلب ..

 

بالاخير خذاها اخوي وروشها وجاب لها فرشة ولحفها وجاب لها الحليب مرة ثانية وارفضت تشرب الحليب ..>> مسكينة ماكلت شئ يومين ..

 

خذاها اخوي ورجعها للمحل قطعت قلبة القطوهـ ،،

 

والله العظيم ياجماعه يقول اخوي اول ماشافت امها وانقزة على امها وكانها تحضنها ،، وجاء اخوها ونقز فوقهم >> زي الانسان لما يجي من سفر ويحضن امه ويجون اخوانه وخواته يحضنونة ..

 

اخوي تقطع قلبة على القطوة المسكينة اللى خذوها من امها >> انا كسرة خاطري من جد قطعة قلبي ..

 

* المفروض يشتريها لما يصير عمرها 3 شهور على شان تكون كبيرة شوي وتقدر على فراق امها ..

 

ولحد الان ماجابها من المحل خلاها عند امها >> مسكينة احس كان فلم هندي ..!!

 

بس اللى يضحك بالسالفة أن مودي ولد اخوي منقهر منها لان كل البيت فرحان في القطوة ويحضنها ويحبها والا يبي يدوس القطوة بعد ماكان يحبهم صار يكرهم ههههههههههههه >> الغيرة تسوي اكثر :*) ..

 

———————————-

 

بنفس الليلة جات احد اقاربنا عندنا البيت وجلسنا نعلمها قصة مودي والقطوة ..

قامت وافتح جوالها وروتنا صور قطاوهـ “بسس” تبيعهم صديقتها ..!!

ولما شفنا الصور أنا احسب انهم العاب مو حقيقين ،، جلسة تحلف لي انهم حقيقين وللبيع ..

 

اشكالهم تجنن صح ..!!

وعلى فكرة معاهم ملابسهم وشنطه ،، وبرويكم احد العروض اللى مسويتها نفس اللى تبيع هالقطط

بالله عليكم ماكانهم العاب ,, انا ماقدرت اصدق انهم حقيقين الا لما قالتي مين اللى تبيع هالقطط صدقتها ..!!

بصراحة ناس خطيـــــــــــرة تشتغل صح حركاااات خخخخخخخ

** والى الان أقول لكم أكـــرهـ الحيوانـــات **