εìíз يومياتي بالعيد

زي ماذكرة احد زميلاتي ان العيد ماصار زي قبل له فرحة كبيرة ،، قلت لها اي صحيح لاننا كبرنا لما كنا صغار كانت والله فرحة العيد غير ومايجينا نوم من الفرحة ابدا ان بكرة العيد .. قالت وبصوت عالي ( ليتنـــــــــــــــــــــــا مــــــــــــــــــــاكبرنـــــــــــــــــــا) …

 

أول يوم العيد ..

 

جاو عماتي وعمامي وزوجة عمي وبناتها عندنا ،، مافي مغامرات بالنسبة لى .. لاني طول الوقت راكبة ونازلة وصب القهوة …

 

السالفه اللى تضحك ، ان بنت عمي الصغيرة مرهـ قاصين شعرها بطريقة تضحك .. واستحيت اسئل لية كذا شعرها ، ولما جلسنا ومع السواليف الا تقول امها ، ان بعشر الاواخر برمضان لما ارجعت من المسجد سمعت اعيالها ميتين من الضحك داخل الغرفة الا ولدها اصغر واحد يصارخ ،، دخلت عليهم الغرفة تسئلهم وش فيكم ؟؟

 

قالوا مافينا شئ ..!! وحده من بناتها قالت الا ماما انا بعلمك ريمي قاصه شعرها وتخوف فوفي تقولة عنكبوته ,, (( وكان فوفي ماسك امة ويقول اخاف اخاف ))

 

طالعة بنتها الصغيرة الا قاصة بالمقص كــــــــــــــل القطعه القدامية بطريقة خطيرة ،، وقاصته بس على شان تخرع اخوها الصغير تقول له عنكبوتة ..

 

ههههههههههههههههههههه من جد اطفال ،، والام طول هالايام تطور شعر بنتها للعيد

 

هذا العيــــــــــد مرهـ حلـــــــو الحمدلله ،، وخصوصا ان الكل كان موجود ,, صحيح مرض ولد خالتي مسبب الحزن للكـــل ,, واول يوم العيد كان رايح الرياض لحاله ياخذ ابرة ورجع العصر الشرقية وماعيد ,, وثاني يوم نفس الشئ راح من الصبح الرياض ياخذ الابرة ،، وثالث يوم نفس الشئ ..!!

امس بالليل كان العشاء في بيت خالتي ،، واحنا طالعين من البيت بالليل الا ولدها راجع بياخذ اغراض وبيطلع مع ربعه لما شفتة ضاق صدري ،، الله يشافية ويعافية ويرفع عنه يــــــــــــــارب …

 

بيت جدي هذا العيد ماشاء الله ماشاء الله اللهم لاحسد كثر عدد البزران >> خخخخخخخخ

والله العظيم كلهم قد بعض عمرهم سنتين ,, وتعالوا شوفوا انواع الشيطانه والازعاج والحركية الزايده ،، بس المشكلة ان عدد البنات اكثر ،، بس للاسف ان البنات شيطانين اكثر من الاولاد

 

اليوم الثلاثاء العزيمة في بيت خالتي الثانية ،، امس بنت خالى تقول حق خالتي اللى عازمتنا وش تبي اكل (( طلبة كل المأكولات من المكرونات والسلطات والحلا وكلللللللللل شئ )) وخالتي ساكتة عنها تقولها طيب طيب طيب ،، بالاخير بنت خالى عجبها انهم بيلبون طلباتها قالت خلاص باجي من الحين بيتكم بنام لين بكرة العزيمة انا اكون موجودة عندكم >> مشكلة تعزم ناس غثة ههههههههههههههههههههههههههههههههه بس الحمدلله راحت بيتهم

ماعندي احداث مهما ابـــــــــــــــــدا ,, بس يوم الاربعاء بيجون صديقاتي واحس انى ميته من الفــــــــــــرح

ويوم الخميس الله يعيني على ضيقة الصدر بس بحاول اطلع من البيت قبل لاتجيني كأبة نفسية >>> بتصيح اذا كملة كتابة