εìíз يمكن انطرد من الانترنت

 

تخيلوا ياجماعه انطرد من الانترنت يوم من الايام << الله لايقول ,,

 

امس وانا احوس بالانترنت ، انتبهت حق نفسي انى كل مكان مسجله فيه ولى عضويه وانا منتسبه له >> ليه مادري .؟

 

من جد ياجماعه احس انى مصختها حبتين ،،

 

في التدوين امس بالليل فتحت المدونه الثالثه لي بس للحين مابديت الكتابه فيها لان عندي شغل ،،

 

وعندي 3 سبيسات ( واحد اكتب فيه واثنين بس كذا كل شهرين انزل فيهم )

 

وفوق 30 منتدى انا مسجله ..>> مادري اصلن وين روابط هالمنتديات بس توصلني رسايل ع الايميل

 

وعندي صفحتين بالفلكر..

 

وعندي بالفيس بوك صفحه..

 

وسجلة مع يوتيوب >> بس جبت العيد ..

 

ورحت وسجلة مع اكبس ..

 

وعندي يمكن مليون ايميل مسوية هع هع

 

وغير الشغلات اللى أنا ناسيتهم ،، يمكن تقولون العدد قليل ,,

 

بس المشكله لما انسى الباسورد ماحاول انى استرجعه الا اذا كان مهم جدا جدا ،، اذا مو مهم افتح عضويه ثانيه وانتهينا صح

وبعض الاحيان ادخل الموقع واسجل اتفاجاءة اني مسجلة @@ خخخخخ

 

تخيلوا يوم من الايام بالانترنت لازم لما تسجل بمنتدى او اي موقع تدخل رقم سجلك المدني ..!!!

 

او تدخل رقم الجواز ..

 

او رقم الجوال …

 

وتخيل اي مكان تسجل فية لازم يكون المعلومات كلها صحيحه ويتأكدون منها انها مش مزيفه …

 

راح تسجلون او لا .؟؟

 

لو المنتديات والمواقع تخلي كل شخص يسجل بمعلوماته الحقيقه كان الناس تنضبط ومايصير في خربطه وحوسه وقلة أدب ,, بصراحة هالفكرة عاجبتني انى افتح منتدى وكل واحد يسجل برقم سجله المدني وكذا الكل بينضبط ..بس يمكن يدخلون بارقام مزيفه وتطلع صحيحه ..

او مو لازم رقم سجل مدني ،، عندي فكرهـ شبهـ عبيطهـ :d

ليه مايكون بطاقه خاصه فيك ( مثلا يفتحون مكتب زي الجوازات والاحوال وغيرها تروح وتدخل كل معلوماتك الحقيقيه عندهم ولما يطلعون لك البطاقة تكون باسم مستعار لك او اسمك الحقيقي بكيفك بس فيها رقم خاص فيك محد يملك نفس هالرقم ، يعني عادي لو يملكة شخص خارج السعودية وهذي البطاقة لو ترجع للجهة الخاصه يطلعون كل معلوماتك ،، وطبعا لما يدخل موقع او شئ يدخل الرقم وخلاص ينحفظ كل حقوقه وطبعا محد يقدر يشوف الرقم الا اهو والجهات المختصه ) ادري ان احنا شعب سعودي متخلف مافي امل تصير هالفكره بس دام الاحلام ببلاش عادي بحلم ..

وتعرفون لو يسون زي هالبطاقه لمستخدمين الانترنت ، والله راح ينحفظ حقوق طبع كل النــاس + بيصير اغلب الناس حريصين على اسمهم + بيصير احترام متبادل بين الكل ..

 

اتمنى لو يكون عندي اسم خاص فيني مستعار طبعا اشتغل فيه بالانترنت ومحد عنده نفس هذا الاسم بس للاسف صعب احدد لي اسم ،، لانى كل ماخترت اسم احصل كثير ناس مسجلة بنفس الاسم ,, بس عندي الحين الخطه الخمسينيه >> لايكثر

 

راح اخلي لى اسم واحد بالانترنت وبحاول اضبط شغلي فية على شان امنع السرقه والنهب..

ادري الحين بتقولون عندي كنز لا ماعندي كنز بس بوسع صدر لووووولات