εìíз الذكريات تمر بشكل سريع

اليوم طلبة منى بنت عمي اروح معاها المدرسه اساعدها بتزين فصلها ( بحكم انى اليوم ماعندي محاضرات ) ،، قتلها مافي اي مشكله الساعه كم طيب .. كانت المفاجاءه انى اروح معاها الساعه 6:10 ص ..

صارلي ثلاث سنوات من يوم ماتخرجة من الثانوي وانا ماقوم الصباح ،، واذا قمت بدري على شان المحاضره يكون الساعه 7 صبــاحاً ..

طبعا وافقة انى اروح معاها واساعدها مافي اي مشكله ،، تمام الساعه 5:20 ص اتصلة بنت عمي على جوالي على شان تقومني من النوم ،، مع العلم انى مانمت الا الساعه 2ونص بالليل واحس فيني نووووووووووووووووووووووم من جد ..

من أول ماصحيت من النوم وانا الذكريات تدور براسي ،، بشكل ماتتخيلون احس جاني صدآع وودي اقول (بــــــــــــس خلاص )

اول شئ تذكرة ايام الثانوي لما اروح المدرسه والجو يكون ضباب وانا الوحيده اللى اروح المدرسه بالبيت واجلس طول الطريق على اعصابي ،،

المهم والذكريات وهي تدور ..

ركبة السياره مع بنت عمي ( وصباح الخير ،، اهي صباح النور ) ،، لما طلعنا من الحي اللى احنا ساكنين فيه وقفنا عند اول اشارة مرور ,, ااااااااااااااهـ اشارة المرور كانت زحمــــــــــــــــــــه وفوق الزحمه كان كل سياره فيها طفلين او ثلاثه ماتتخيلون شلون الجو تحسون من جد من جد ان جو دراسي اعترف انى فاقده هالجو بقووهـ وماحس فيه حتى داخل بيتنا ,,

(( المدرسه اللى بروح لها مع بنت عمي هذي مدرستي كانت ايام الابتدائي ))

وصلنا لباب المدرسه ،، طبعا ماتذكرة شئ زين ههههههه تذكرة لما اصيح الصباح مابي انزل المدرسه خخخخخخخ ،،

واول مادخلت داخل المدرسه وشفت بنات النظام ( تذكرة انى بصف السادس ابتدائي كنت مع بنات النظام وكنت بقمة السعاده انى عريفة نظام خخخخخخ ) ,, ودخلت المدرسه ،، طبعا زي مانتم عارفين كل مدرساتي موجودين بالمدرسه ،، الا القليل منهم تقاعدوا او بعضهم انقلوا من المدرسه ..

مشية بالممرات وانا الذكريات تدور براسي ركبة لين فوق ودخلت الوحده اللى كنت ادرس فيها بالمرحلة (خامس وسادس ابتدائي ) كنت بخامس (أ) و سادس (أ) .. واشوف كل البنات يطالعون بنظرات انى كائن غريب وجديد عليهم ،، ماقدرة امسك نفسي من الضحك لان بنفس عمرهم كنا نطالع الزوار بنفس هذي النظره خخخخخخخخ ..

ولما دخلت فصل بنت عمي اللى تدرس فيه وحطيت الاغراض وبديت ارتب واهي جات (( بدا التجمع الكبيــــــــــــــــــــــــــر جدا جدا للبنات عند باب الفصل يطالعوني لاني ضيف جديد )) واسمع البنات يقولون : هذي بنت الابلة ..؟؟

تقول الثاني : لا لا هذي مو بنتها يمكن اختها ؟؟ والثالثه تقول : يؤؤة يمكن هذي ابله جديده بتدرسنا .؟؟

” ويبدا التخمين من بنات الفصل على كيف كيفهم “

وكل مايدق الجرس بين الحصتين ،، يتجمعون البنات عند باب الفصل يطالعوني ويتشاورون انا مين .؟؟ (( والله ياجماعه انا بس اضحك عليهم لانهم يجننون )) ,, لين بالاخير حاولوا يتقربون على شان يعرفون مين أنا .؟؟

دخلت وحده من البنات وقالت لي أبلة >> ههههههههه انا مو ابله جاتني الضحكة لما قالت ابله

قتلها نعم ..!! قالت وين مفاجاءة الفصل الى قالت عنها الابلة ؟؟ (( تقصد بنت عمي قايله لهم في مفاجاءة بفصل الجديد )) انا بصراحة مادري وين المفاجاءة ومو حلوة ياجماعه اكون قدامهم مادري عن المفاجاءة وينها .. سكت دقايق بعدين قتلها >> تعرفين وش المفاجاءة ؟؟ قالت البنت لا .. قتلها المفاجاءة ان ابلتكم بتروح وانا الابله الجديده >> لووووووووووووول

ماقدرة اقولها انى امزح لانها سكرة الباب وراحت تركض عن صديقاتها وبدا يتناقل الخبر انى انا المدرسه الجديده ههههههههههههههههههههههههههههههههه .. من قلب برااااائه ..

اليوم اجمل يوم من جد عشت اجمل الذكريات وانا كبيره ..

شفت مدرستي ،

معلماتي ،

تذكرة زميلاتي

( وانا اشتغل كنت ابى ورقه بيضاء فاضيه وفتحت باب الفصل نادية اي بنت جاتني وحده صغيره قالت تبغين شئ .. ابتسمت ابتسااااااااااامه عريضه وقلت لها ،، انتي اخت أميرة وفاطمه ,, قالت البنت : اي خواتي > حسيت اننى الى الان طالبه ))

فصلي ،

مكاني،

اجمل ايام طفولتي كانت اليوم .. بحياتي مارجع معاي شريط الذكريات زي اليوم

ولما لبسة عبايتي ونزلة تحت على شان اطلع من المدرسه تمام الساعه (12 وربع ) لقيت مدرستي اللغه العربيه (ح.ع) وسلمت عليها .. ماتتذكرني طبعا لاني تغيرة ومستحيييييييييييل تتذكرني صارلي من طلعت من الابتدائي 9 سنوات تقريباً ..

قتلها انتي ماتتذكريني استاذه بس كنت دائما تسئليني ايش معناة اسمي وانا من يوم ماتخرجة من الابتدائي وانا دائما ابحث عن معناة اسمي لحد ماحصلة بالانترنت ،، وقلتيلي لو بعد 100 سنه اذا ربي احيانا وانا بهذي المدرسه تعالى قوليلي ايش معناة اسمي ..

اضحكة المدرسة وتطالعني بعيونها نظرات تعجب وقالت وش معناة اسمك طلع .؟؟

وقتلها معناة اسمي وانا ابتسم ابتسامه خفيفه

وودعت المدرسة ،، وودعت كــــل الذكريات التى لا اعلم الى الان كيف استرجعتها بهذه السرعه. وركبة السياره ،،

واكملت مسيرتي بالبحث عن بيتنـــــــــــــــــــــــا ..