εìíз هل سأرحل ؟

تتوقعون يجي يوم ومضيعه بيتهم تودع المكان اللى يحبه قلبها؟؟

طيب اذا رحلة مضيعه بيتهم ، هل سيبقى الجميع يذكرها بالخير ؟؟

هل سيجبرونها على ترك هذا المكان والانتقال الى غيرهـ ؟؟

عند رحيل مضيعه هل ستعود لان قلبها مازال يحبكم ؟؟

*اسئلة تدور في ذهن مضيعه بيتهم وليس لديها اي جواب حتى الان !!

كثير من المدونات اختفوا عن التدوين ، والاكثر فتحوا مدونات باسماء مزيفة .. والبعض رحلوا عن عالم التدوين ولا ندري عن اخبارهم .. والبعض شغلتهم الحياة ولم يعودوا ..

اللى فتحوا مدونات جديدهـ السبب كثرة ازعجات الاقارب ..

لية الاقارب مايحبون ان الواحد يكون مدون ويكتب اللى بخاطرة لية دائما يحبون يخلونه مكبوت ومايتكلم ..!!

انا من الناس اللى كنت راح اسكر هذي المدونة وحطيت غياب ولاكن ماكمل اسبوعين ورجعت لاني ماقدر اترك هذا المكان ، محد يحس قد ايش انا احب مدونتي ..(لاكن ما اخفي عليكم ان انسان عزيز على هو السبب لرجوعي هنا وهو من وصلني الى هنا ،، لولا الله ثم مضيع كان انا من زمان منتحرة )

ولما قلت اني ماقدر اترك المدونة محد صدقني الا بعد عوتي وجلوسي ، واصراري على الاستمرار ..

اسمع كثير انتقدات من اقرب الناس لى على هذي المدونة لكن مايهموني ,, بس اللى يحبوني بالعكس يمدحونها واشوفهم يبغون يفتحون مدونة .

لو فكرت اترك المدونة راح اترك عالم الانترنت كامــــــــــــــــــــل ،، لا اخفى عليكم بعد دخولي لعالم التدوين قل تواجدي جدا جدا بالمنتديات ، ولما اشارك كل مشاركاتي تفيدني وتفيد غيري ,, واصبح اختيار للمنتديات حصري ما ادخل اي منتدى الا محتاجة من عنده شغل ..

كل ما اكتب بوست عن شئ يدور بخاطري الكل يعرف مشكلتي ويبدا يطرح آراءه بطريقة تزعجني واهو اصلن مو فاهم فكرة التدوين بس مجرد انهم قروا البوست ويجون يتفلسفون ويسمون الواحد ،، الى الان وانا اعيش بهذي المشكلة ، وربما قلت نوعا ما !! والله لما دريت انهم عرفوا مدونتي ماتتخيلون بس احذف وشغلات اعدل (تحرير ) من جد احس اني تعبت وزهقت وبنفس الوقت كاتمه وساكته..

لما اجي اكتب بوست اكون متحفظة بدرجة كبيره لان الكل راح يدخل واسمع تعليقات لما اقابل الاشخاص..

من جد انا بالنسبة لي وضع محزن جدا جدا ..

بس رآح اعترف اني ماصرت اكتب عن الاشياء اللى بحياتي تقرهني زي قبل لما فتحت المدونة .. تعرفون ليه ؟؟

((لاني انا وحده من المدونات اللى بطلت وراح ابطل اكتب !!، بعد نقاشي مع فتيات التدوين لقيتهم يعانون نفس مشكلتي والبعض مشكلته ارحم مني والبعض يحطلي سمايلات تصيح مو قادرين يكتبون شئ بالمدونة قلبهم محترق حتى قررنا جميعا فتح مدونات ثانيه ))

انا فتحت مدونة ثانية بس مستحيــــــــــــل اترك هذا المنزل حتى اجد منزلي الحقيقي “خطين تحت الحقيقي “ ,, لكن المنزل الجديد ليس بجمال هذا المنزل ابدا ..

ومن الان راح اخبر الجميع ان لدى مدونة بعنوان مضيعه بيتهم ولن اخاف من اي احــد.. ومهما تحدثوا الناس لن اسمع ,, لان كلام البشر لن ينتهي حتى لو وضعوني تحت التراب سوف يظل حديثهم طويــــــــل ..

والى الان سوف اظل وابقى (مضيـــــــــعه بيتهم ) عندما تحب الشئ لن تتركة مهما كلفها الثمن ..!!

مستحيــــــــــــــــــــل اترك هذا المكان ..

 

i love my blog