εìíзكيف راح يكون الشرح ؟

يوم الاحد ، تسليم البحث !!

وانا قتلكم انى بختار موضوع البحث عن ( التدوين ) واحس انى متحسفة قد شعر راسي انى اخترت الموضوع عن التدوين ، شكلي وهقت نفسي ..”واتمنى ان يكون العكس ..

البحث جمعت معلومات واخذت من عند المدونة ( هديل ) الله يجزاها خير ، ارسلتلي ملف كامل رائع جدا انقذتني بصراحة …

وفره سريعه على المدونات وتجميع معلومات من كل مدونة ..

يعني كونت بحث تقريبا ،، لحد الان ماشفت الشكل النهائي للبحث لان وحده من البنات بترتبة وبتطبعه ..

اما عرض البوربوينت !!

آآآآآآآآآآآآآآآآآهـ طفشت وانا اسوية ,, رتبت الشرايح وسويت برنت سكرين على كل مدونة مع رابطها ..

بس مالى خلق اكتب كلام على الشرايح ( لاني انا اللى بشرح ) ..

اي على طاري الشرح ،، احس في معلومات كثيرة براسي ابى اقولها ، والكلام مو مرتب احس انى زي المسجل اللى بيضغطون عليه وبيشتغل >> ماشاء الله تبارك خخخخ

واخاف انى ما اعطى كل مدون حقة ..

لحد الان ( 9 مدونات ) اللى راح اتكلم عنهم ، وفي مدونة بحذفها لاني مادري وش اقول عنها ..

الاشياء المهما اللى براسي :-

- تعريف التدوين ..

- بقول اهداف التدوين ..

- بتكلم عن نفسي الاشياء اللى استفدت فيها بالتدوين ..

- بتكلم عن اراء المدونين( ماذا يعني لك التدوين ) >> اللى حاب اضيف اسمة يعلق على البوست القديم..

- في بعض المدونات لها تاثير على الاخرين ..

- الفرق بين المدونة والمنتديات والسبيس .

- اكيد اكيد مابنسى اقولهم ( ان الورد برس عالم من اختياري ) >>فرصة اسوي دعاية للورد برس وبسب الباقي هههههههههههههههههههه ( وانا اطرح لهم امثال عن المدونات بقول لهم ،، عندكم مثال على مدونة مكتوب ,, اللى قامت بالغاء احد المدونات بدون اذن ولا شئ ) >>وبوصل الورد برس لين السماء هههههههههه طبعا مافي داعي توصوني لاني راح اغرد خخخخ

& سويت استبيان بخلي البنات يعبونه وبشوف ارائهم بعد ماقدم لهم موضوع التدوين ..

(( اتمنى لو احصل على مقطع فيديو ادخله بالعرض ،، بس للاسف ماعندي ولا مقطع )) دخلت الـ you tube حاولة اسحب كم مقطع بس ماقدرة . ))

اي باركووولي ( سجلة باليوتيوب ،، بعد ماكنت في اكبس اللى يجيب الهم ) بس اصلن عندي عضوية اخوي ضايع ومن خلالها حاولة اسحب بس كنت خايفة احوس بعضويته كثير وسجلة والحمدلله الحمدلله قدرة اسجل ، كيف وشلون والله مادري شلون سجلة .. ههههههههههههههههه اهم شئ انى سجلة بعد عنااااااااء ” على فكرة من العام وانا احاول “..

** في احد يقدر يوفرلي مقطع فيديو اكون شاكرة لكم جدا جدا .. وارسلوة على الايميل او عطوني الرابط للتحميل ؟؟

** في احد يعرف مدونة فيها شئ يفيدني بالبحث والعرض ؟؟

** احد عنده نقطة مهما ولازم اقولها للبنات او اوضحها ؟؟

نستقبل الافكار والاقتراحات والانتقدات ..

—————

تحديث (1)

تم الشرح الحمدلله ، والتفاصيل قريباً

شكرا لكل من قدم لي المساعدهـ