دائما الناس ماتحب تغير الى شئ جديد ، تجلس على الشئ اللى تستخدم والقديم ومستحيل تشوف الجديد أو حتى انها تحاول تجربة ..
انا احب ادخل مغامرة بالشئ الجديد واجرب لانى ما بخسر شئ ” ان شاء الله”:) بس اهم شئ اكون مقتنعه فية ^__^
بقولكم عن الانتقالات 
انتقلت من البلوق سبوت الى الورد برس 
وقتلكم ان الورد برس هذا أحسن ..
انتقلت من جوال نوكيا ، الى سوني اريكسون ( وكتبت لكم تجربتي وان الفرق كبير والحياة مع سوني اريكسون احلى بكثير ) ..
وبعد هذا غيرة الويندز من xp الى فيستا ،، وكان في فرق كبير بين الاثنين ..” مع العلم الكل قالى لاتغيرين “
والان اقولكم ..
تم تحويل جوالي من (الاتصالات ) الى ( موبايلي عالم من اختياري ) 
..
والله لحد يسئلني وش المميزات والفرق بس اخوي حول وانا معاه خخخخخ يقول انه ممتاز و ……..و………….. الخ من المميزات اللى ذكرها وحسيت انى تحمست واذا طلع موبزين مو مشكلة ” اللى حول رقمي يرجعه ” >> بنذبح الظاهر
الكل قالى المشكلة في الشبكة انا اصلن عندي مشكلة مع الشبكة من يوم ماكنت بالاتصالات 
بس الله يستر ماتزيد المشكلة ..وسئلة 4 من صديقاتي وقالوا لي توكلي على الله وغيري لانهم غيروا ويمدحون موبايلي ..
*اول خدمة ممتازة في موبايلي ( اول ماتتصل على 1100 على طول يردون عليك عكس 902 اللى تجلس نص ساعه بالضبط يرن التلفون ويجلس يقولك ( انتظاركم محل اهتمامنا ) ويقولك بعد ( نتطلع دائما للرقي المستمر نحوا المستقبل >> اي هين ) وانتظر تنتظر وتنتظر والانتظار يزهق الواحد ويخليك تطفش وتسكر التلفون احسن لك واذا جلست تنتظر اكثر من نص ساعه يقولك شكرا على اتصالك جميع الموظفون مشغولون الان ويقفل السماعه في وجهك .. )
* الحين بتقولون لية مضيعه تقول انها حولت الى موبايلي ؟؟
لانى حابه ابشركم بإذن الله راح احصل “بيتنا ” عن قريب !!! >> كيف وشلون ؟؟ 
لان بموبايلي في خدمة ( أين أنا؟ ) ومن خلال ارسال فقط رسالة يرسلك رسالة ويقولك انت وين موجود ..
ان شاء الله قبل لا اكمل سنتين بالتدوين احصل بيتنا وتفتكون من ازعاجي
ادري والله انى مكلفة عليكم كثير وانتم تدورون على بيتي ومادري والله كيف ارد جمايلكم 
ويقولون ان راح تفتح شركة MTC ،، وراح احول لها اذا كانت ممتازة >> بس دعاياتها بالتلفزيون تحسون انها واااااو ( والله ترا الدعايات لها دور )
زي دعايات موبايلي ….
امممم
انا جربت موبايلي لمدة شهرين وفقعوا لي مرارتي
اول شي: ما تستقبل mms من سوا او اتصالات او غيره.. لازم تروحي تشيكي على الmms من الموقع..
تاني شي: ترسلي mms بس لموبايلي ما تقدري ترسلي لغيره
تالت شي: على أيامي كانت الشريحة كل شوية تطلع مسج: الشريحة غير مسجلة (مدري صح كدا ترجمتها من الانجلش؟) ومعانااااااااة الين اسوي restart للجوال كل ما قفلت الشريحة الغبية
رابع شي: عجزت وتعبت ويأست وانا افحط معاهم عشان أفعّل النت في الشريحة مع اني كنت محتاجته مرة ديك الفترة
الشي الوحيد الحلو اللي عجبني فيها انها اشتغلت لما نزلت الامارات وقدرت اكلم واستقبل مسجات واتصالات عادي
أهلين
غيرت من نوكيا لأريكسون من اسبوعين ، مرة فرق ..بس يقال انه صحيا نوكيا أحسن مايتعب الأذن كثر سوني والعلم عند الله .
وفي الطريق للتحويل لموبايلي
سلام عليكم ..
مالت عليهم.
موبايلي شركة ممتازة وسباقة في العروض والمزايا ،،
حقيقة تعاملهم أرقى من الاتصالات السعودية بكثير … اكره اسلوب النفاق اللي تستخدمه الشركة مع العملاء .. زمان ماكان في غيرهم داعسين على رقابنا .. الحين بالأحضان ياظنااياااااااا
اختيار موفق مضيعه .. موبايلي عالم من اختياري
وبرافو عليكي اتحررتي من الفكر المحدود وتركتي النوكيا ( صدام الكرسيدا )
ومبروك عليكي السوني اريكسون << احسن موبايل
سلام
مبروك التغيير.. و عقبالي..
حاولت احول موبايلي بس ما احد شجعني.. بالبيت الكل مع الجوال.. و كل اللي اعرفهم جوال..
و بالزمنات حاولت اعمل نوع من التغيير و اجرب حياه اشتراك البطاقات بدل الفاتوره .. و طلعت فوق راسي.. اشتريت (لنا)..ما بعرف المشكله من الشريحه و الا من الشركه بس من ورا (لنا) خرب جوالين عنا في البيت..
كان كل ما نحط الشريحه بجهاز يطفي الجهاز و يسير لا يرسل ولا يستقبل.. و بعد فتره ما بعرف ايش سار بالسوفت وير كله.. و اخر مره وديت الجهاز للتصليح قاللي انه ما يتصلح.. و اول ما اغير الشريحه يشتغل شوي و يفصل .. و بهذيك اللحظه بس اكتشفت انه المشكله من الشريحه.. كسرت الشريحه و بعت جهاز وخليت الثاني ذكرى..
و السنه الماضيه قررت اغير النوكيا .. طلعت روحي منه.. اشتريت سامسونح.. حبيته لونه احمر و من اللي يفتح..
بس خلال اقل من 24 ساعه رجعت للمحل و بدلته بنوكيا n73 ما قدرت .. اهلي كرهوني فيه .. الكاميرا و الصوت كتير احسن بنوكيا .. سامسنوج بس شكله احلى…
ومن يومها قررت اني اتبع المثل اللي ابوي دايما بقوله ( خليك عل قردك تا ييجيك اللي اقرد منه )
ان شاء الله بحول Zian اول ماتنزل
” بموبايلي في خدمة ( أين أنا؟ ) ومن خلال ارسال فقط رسالة يرسلك رسالة ويقولك انت وين موجو …… ”
فعلاً لم يعد لك حجة في تضييع بيتك …. هههه
لا أخفيك التغيير ليس أمر سهل عند الكثيرين ، والتطوير يحتاج إلى شئ من روح المغامرة ….
بالتوفيق وإلى الأمام دائماً
في آمان الله
رادار
حررركات
أنا الوحيدة بالبيت شريحتي من الاتصالات خخخخخخخخخ
وأنا الوحيدة ما أعاني من الشبكة ^ـــــ^
مع ذا كله رافعينها بالسما يقولون خدماتها مميزة
إن شاء الله يكون تغيير للأفضل
انا معاك معاك بالتحويل وصدقيني مراح تتندمين
صايره اكره اكررررررررررررررررررررررره الاتصالات كافي ما خذوا منا
والله من حولت ما صارت تجيني فواتير مثل اول على اني اكلم بالهبل بس خلاص الحمدالله
والله الجوال حراااااااااميه
اما سالفة الشبكه
عمري مارحت مكان مالقيت شبكه كل مكان في شبكه
والحين بيتنا كله كله محول موبايلي لان راح يكون ارخص
غير اني ما ادخل النت الا في الجوال من خطي موبايلي وكيلوبايت مره رخيص
مراح تندمين صدقيني
بس اقولك من الحين عيبهم وشو انو ما يصبرون عليك اذا ما سددتي الفاااتوره وتنزل كل شهر بس راح تلاحظين الفرق وكيف يكون ارخص
ومبروووووووووووك
يختي ما ادري احب موبايلي مره
وكررررررررررررره الجوال احس انهم حراميه عيني عينك
انا الحين مبتلشة
وش هالغبااء
اانا رقمي بإسم أخوي ..
وهو يبي يحول موبايلي وراح لهم وكل شي .. بس قالو له لازم يسدد اللي ع رقمي انا .. وما اتكلم بجوالي لين يتحول رقمه ..
اخوي من الصبح يقنعني أحول بس خايفه :S
مدري
يمكن يمكن أحول ..
الله ييسر .. ومبروك لك ..
محول من زمــــان
موبايلي عالم من أختياري…
امممم ..
ما أدري ليه ما أعجبتني موبايلي رغم سطوة الاتصالات السعودية وغلا أسعارها ..
فموبايلي ينطبق عليها المثل ( من برى الله الله ، ومن داخل يعلم الله .. ) !!
تحياتي .. ^^
أشكرك لوضع رابط لمدونتي في الموضوع
[...] تصلني بشكل دائما مسج الى جوال (من شركة الجوال ) ، وكما يعرف الجميع ان تم تحويل جوالي الى شركة موبايلي ،، [...]
سلام ولله عجبني الموضوع وحبيت اشاركانا كنت سوا ولله فقرونا بشحن وحولت ل موبايلي
انا اخالفكم الراي كليا شركة موبايلي من الشركات التي فيها من النصب والاحتيال
ونهب اموال الناس ماالله بهي عليم انا ليه مشكله معا موبايلي الي انتم فرحانين فيه وعندي الاثباتات والدليل انا شاركت معا هذي الشركه وكنت مبسوط اني خذيت هذي الشريحه واستخدمتها لكن للاسف ثقتي ماكانت في محلها هذي الشركه يااخوان قصتي معاها من اول ما شغلت الشريحه وانا في مشاكل معاهم قلت يمكن يتعدلون بما انهم شريكه جديده وقلت خليني اطلب خدمة الانترنت طلبتها وكثرت المشاكل اعطوني رقم بروكسي وكمان ما فيه فايده اخر شي قلت خلا ص انا ابي اللغي خدمة النت قالولي اوكيه نلغيها فجاه انحضرت المكالمات كلمت خدمة العملاء قالي لازم تسدد الفاتوره قلت طيب انا مكالماتي ما تعدت الحد الاتماني قالي عندك خدمة الانترنت قلت يااخي انا طلبت الغاء الخدمه قال والله الموضف ماالغاها لك لكن سدد وانشاالله نردلك المبلغ رحت وسددت واكلمهم بعد السداد قالي ياخي انشاالله اول ما يوصل المبلغ نفعلك الغاء الخدمه قلت طيب دقني قلبي قلت خليني اكلمهم مره ثانيه كلمتهم قالي ما نقدر نلغيها الحين لازم تدق علينا بتاريخ 29/5 ميلادي على شان نلغيها اتصلت بهذا التاريخ وقتها الخدمه محذوره عندي قالي ياخي الكريم لازم تسدد وبعدين ننزلك المبلغ على حسابك في الفاتوره تهاوشت معاهم قالي هذي سياسه الشركه قلت طيب رحت وسددت الي يومكم جوالي محضور والمبلغ مارجعلي واليوم اتصلو عليه بعد ما نشرت هذي المشكله في المنتديات وشافو الردود وقالو انشاالله تنحل المشكله ولكن للاسف ما انحلت فهذا دليل واضح وانا انبهكم من هذي الشركه التي تتعمد ابتزاز اموال المواطنين ان تحذرو منها وتبتعدو عنها وعندي الرساله الي ارسلوها ليه باالاميل والمكالمات المسجله ورسائل نصيه بارقام المشاكل انا بريت ذمتي اللهم بلغت اللهم فشهد