εìíз مضيعه وحالة الاغماء

مجرد محد يجيب طاري الابرة والعمليات والدم // على طول احس الدنيا تبدا تدور وراح “يغمى ” على ولكن اتجمل واطلع من المكان اللى يتكلمون فية عن هالموضوع // حتى لو كنت اقرا موضوع بالنت وفية دم أو صور ماقدر يدور راسي واسكر الصفحة ..

راح اكمل سنه ، وانا المفروض مسوية تحليل الدم ،، بس انا رافضه رفض بات جدا جدا انتي احلل تحليل الدم ( لانى متاكده ان راح يغمى على ) مجرد مايقولولي سوي تحليل دم احس بالم في مفاصلي وراسي يدور >> OMG!!

رحت المستشفى مع بنت خالى ودخلت على الدكتورة واخذت الورقة ورحنا للمختبرات ، واول مادخلنا وشفت ( ممرضة ) تمشي وبيدها انبوبة تحليل ، حسيت انى راح اطيح ,, وبنت خالى مسكينه موديتني على شان لو اغمى على تصحيني وتكون اهي النجدة خخخخخ .. بس ماقدرة وقتلها تكفين فلانه قومي نطلع نرجع البيت احس الدنيا تدور .. وطلعت ولا سويت تحليل دم ولا هم يحزنون ..

التحليل ضروري ولازم استسلم للامر وللواقع واسوي هذا التحليل

اليوم 2008/2/4مـ .. رحت المستشفى مع بنت ” عمي ” وزوجة عمي ،، على شان اسوي تحليل دم ..

وانا قايلة لهم من قبل ان راح يغمى على ، ومعلمتهم على الكتلوج حقي >> كتلوج بس بدون بطاقة ضمان خخخخخخ

دخلنا المستشفى وشفت الممرضات بداية الخوف ولكن كنت اقول بقلبي ” يللة يا مضيعه تشجعي ” .. لما دخلنا غرفة التحليل وانا دوري الان ، حسيت نفسي مثل طائر (اللقلق) واقفة على رجل وحده ما احس برجلي الثانية ابدا ..

نادوني مضيعه يللة !!!

” اشهد ان لا اله الا الله واشهد ان محمد رسول الله “ انا اتشهد على عمري ..

جلست على الكرسي اللى ماحس فية ،، وجمبي الطاولة اللى فيها الابر بس ما اشوفها من كثر ما احس على عيني زي ” الغبشة ” الدنيا مو واضحة ابدا ..

حاولت امد يدي اليمين بس ماتنمد من الخرعه .. ( اي صح نسيت اقولكم امس ماجاني النوم بس افكر ان بكرة راح اسوي تحليل دم )

بعد معركة بسيطة جدا جدا امتدة يدي واربطتها لي OMG وقلت حق بنت عمي سولفي سولفي ..

جلست تقول بنت عمي : اليوم بالدوام شربنا قهوة وسولفنا وشربنا قهوة وكلنا حلى >> ماسواو شئ اليوم بالدوام بس شاربين قهوة طول الوقت هههههههههههههههه

شوية الا قالولي خلاص خلصنا @_@ معقولة خلصوا .. وانا وابتسامه حلوة قتلها يعطيك العافية يدك خفيفة والله ماحسيت

وقمت من الكرسي ورحت الكرسي اللى قدامي ، فصخت الجاكيت اللى كنت لابسته على شان حسيت بالحر ،، وجلست على الكرسي ، مع نفس عميـــــــــــــــــق

بعدين مادري وش صار

اغمى على >> لوووووووووووول

لما اغمى على حلمت مادري وش صار ، ” كاني امشي امشي وكان في ازعاج ”

!!!!

شوية الا فتحت عيني طلع ان اغمى على والناس فوق تناديني ” مضيعه مضيعه مضيعه ”

فتحت عيني والدنيا تدور ..

مجرد دقايق بسيطة جدا جدا جدا جدا

بعدين قتلهم ( خلاص خلصت ) قالوا وش خلصتي ،، قتلهم خلاص راحت الدوخه مني ، وقفت على طول ولبست عبايتي واخذت اغراضي وطلعنا من غرفة التحليل اللى تدوخ الراس @@ ..

* مواقفي مع الابرة كثيرة ، شكلي كل فترة بنزل لكم سالفة مع الابرة ..

تعرفون , باول ثانوي عطونا بالمدرسة ابرة ضد التلوث مادري تسمم مادري ايش بالضبط ، اللى صار انى قلت حق صديقاتي ان راح يغمى على ومحد عبرني ، وبالاخير اغمى على حصه كامله ومحد صحاني ولا شئ خلوني اولي ’’ لما فتحت عيوني لقيت الممرضات يجمعون اغراضهم وبيروحون خلاص وانا محد افتكر فيني ..

واخر مرة سويت تحليل دم من تقريبا (8 سنوات ) او أكثر ، ومن بعدها ماسويت الا اليوم ،، ويمكن بعد 8 سنوات اسوي تحليل دم ..

(( بس ترا حالات الاغمى اكتشفت انها وراثة بعائلة المضيعين ، كلهم يغمى عليهم من الابرة وبعضهم من ريحة المستشفى ,, وكل واحد له قصة ))