εìíз نحارب الغلاء

احد قريباتي كانت بالمخازن الكبرى تشتري أغراض ” اكيد بتشتري اغراض اجل بتتمشى “ ،، المهم واهي تمشي شافت 3 اولاد صغار جايين مع السواق يشترون اغراض ، واكبر واحد فيهم تقول اتوقع انه (برابع ابتدائي ) ..

لما وصلت عند المحاسبة ، كان قدامها هذا الولد واخوانه والسواق راحوا السيارة واهو بيده (3 حلويات ) صغيرة .. وعنده ( 5 ريالات ) ..

لما حاسب المحاسب طلع الحساب ( 7 ريالات ) !!!

قال الولد الصغير كيف 7 ؟؟

قاله المحاسب هذا هو الحساب ..

قال الولد لا مايصير انتم غالي اشيائكم ، نزل شوي ..

قال المحاسب مايصير الاسعار ثابته وهذا الحساب ،،

تعرفون وش قال الولد الصغير ؟؟؟.

قال الولد : شلون انتم تقولون نحارب الغلاء ،، ونحارب الغلاء انا ماشوفكم تحاربون الغلاء ..

تقول احد قريباتي انصدمت من ردة فعل هذا الولد الصغير وكنت انتظر تعليق المحاسب ..

المحاسب ضحك وقاله هذا الحساب ..

المهم ..

راح الولد الصغير ورجع حلاوة وحده الظاهر ..

ورجع وحاسب واخذ حلاوتين وطلع ،، واهو يمشي يقول للمحاسب

تقولون نحارب الغلاء نحارب الغلاء .. (( وبيده ياشر زي ان وين او ماعندكم سالفة ))

وأنا بعد بقول وين يحاربون الغلاء .. حتى البزران تكلموا