εìíз خسوف القمر

حاولت انى انام ، بس مو جايني النوم مادري وش السبب .. مع العلم ان اليوم العصر كنت اقاوم النوم بقووووة على شان اسوي شغلة لعيون (مضيع ) ولكن اسفة مضيع بذلة كل جهدي بس ماقدرة .. “خيرها في غيرها ” ..

وبعد انتهائي من صلاة الفجر ، وقبل لا اغلق انوار الغرفة واذهب الى النوم …،، ” مع صوت الرياح القوية جدا جدا ، وكمية الغبار الهائل “

الا ماما تقولي ( الحين بيقيمون الصلاة للفجر وبعدين بيصلون خسوف القمر ) …!!!

بصراحه تفاجاءت ،، توني ادري ان اليوم خسوف القمر ..؟؟

مادري هل انا انقطعة عن العالم الخارجي ولا ادري بالاخبار ؟؟ او ان ما اعلنوا عن الخسوف القمر ؟؟ او يمكن الجريدة اللى تيجي لبيتنا كل يوم (الشرق الاوسط ) ماتحمس الواحد يفتحها ويشوف الاخبار >> والله انها مرمية على الارض ولا احد يتنزل يمسكها ..

وأول مرة بحياتي اشوف خسوف القمر …!!

بسرعه شكل القمر يختفي كان (بدر) قرص كامل وفجاء وبلمحة عين تختفي اجزاء القمر لين ماختفى …>> ماقدر اكتب اكثر

(( والصورة اللى فوق حاولت اصور اكثر من لقطة بس هذي اللى اضبطة معاي ))

بس تعرفون أول وش كانوا يقولون ” الحمدلله ياربي على نعمة الاسلام ” ،،

“كانوا يقولون القمر كلاه الحوت ” ، وكانوا يدقون الطبول ويطلع واحد بالشارع زي فكرة السحور برمضان ايام اول يدق طبول واصحى يا نايم .. تقريبا نفس الفكرة .. لم تسمع عن بعض الاعتقادات ايام اول تقول الحمدلله يارب على النعمة اللى احنا فيها ..

الله يرحمنا برحمته يارب العالمين ويغفر لنا يارب ..