εìíз مفهوم المحرم خطأ

احس مفهوم المحرم عندنا بالسعودية خطأ ، مادري اذا في احد يايدني الراي او لا ..؟

جارتنا “ام محمد” اتصلت على تلفون بيتنا وجلست اسولف معاها ، وتقول من زمان ماتدري عن اخبارنا ……….الخ ” من حديث الحياة والدراسة والاطفال والجو وأخبار الحي “

قامت ام محمد تقول قصة الحرامية اللى جاو بيتها ،

ام محمد تسكن في البيت الثاني بعد بيتنا ،، تقول انها كانت جالسة وتسمع صوت احد كانه يطق (كراج ) البيت ،، تقول احسب ان يتخيلي ..

افتحت الشباك الا سيارة جيمس ترجع على ورى تحاول تضرب الكراج على شان ينفتح معاه ويدخلون البيت ….!!

اهي انجنت وماعرفة وش تسوي ..

ام محمد زوجها يشتغل في (السفانية ) واكبر اولادها بثاني متوسط ،، والباقي بنات وعندها ولد صغير عمرة بالشهور ..

ماعرفة وش تسوي والوقت متاخر ، اتصلت على ولد اخوها واطلبت منه انه يجي لها على شان ينام عندها اليوم لانها خايفة ( وماقالت له القصة خافت انه يحط رجلة على السيارة ويصير فية شئ ) ..

تاخر ولد اخوها ، اتصلت على الشرطة على طول ، واطلبت منها المساعده >> يا جماعه دقوا التحية للشرطه ..

تاخروا الشرطة ماجاو ولا ولد اخوها …!!

افتحت الشباك تشوف الا السيارة اختفت …!!!

خافت اكثر انهم واقفين في مكان او شئ او انهم ادخلوا البيت واهي ماتدري ( وصارت في حيرة تجمع البنات في غرفة او تصحي الولد او او …….. )

اتصلت من جديد على الشرطة .

قالوا لها : ان احنا محاوطين الحي الان وماشفنا ولا سيارة اطلعت من الحي ..

قالت لهم طيب تعالوا عند البيت وشوفوا في سيارة او لا ؟

قال لها الشرطي : اختي عندك محرم في البيت ؟؟

هي : عندي ولدي بثاني متوسط ونايم .

الشرطة : اسفين اختي مانقدر نيجي لان ماعندك محرم

( تحية لطاش ما طاش ،، كنت افكر انه الحلقة مجرد ضحك او كما يقول البعض حلقات كوميديا لم اعلم بانها حقيقية وواقعيه )

انا : واهي تعلمني السالفة قلت لها اييييييييييييييش محرم ؟؟؟

اهي تكمل لي القصة : وصل ولد اخوها وقالت له القصه ، اتصل اهو بنفسة على الشرطة وقال لهم تعالوا وشوفوا الكراج مضروب واثر كفرات السيارة على الارض مرررررررهـ ..

الشرطة : طلعت لكم سيارة الحين بتجيكم ..

جارتنا تقولي : ( والله لين يومك هذا ماشفنا لا سيارة شرطة ولا احد جانا ولا احد دق لنا خبر )

انا ضاق صدري واكسرة خاطري مسكينه ،، قتلها لية ماتصلتي علينا لو بس يطلع ولد من اي بيت اهم الاولاد بيخافون وبينحاشون ..

المرة الجاية يا ام محمد لاتدقين على شرطة اتصلي على الجيران واكيد محد بيقصر معاك او كلمينا على طول حتى لو كان الوقت متاخر مافيها شئ ..

قامت قالت : ان زوجها عطاها رقم واحد من الجيران تتصل عليه ، تقول بس استحي اتصل لو ايش صار بس اذا مرة مرة اكيد بدق وش اسوي ..

جلست افكر بعد اتصالها ، طيب لو صار هالشئ حق بيت جيرانا الثانين زوجها متوفي وعندها 6 بنات وولد واحد ، وولدها احيانا يروح مع ربعه ، يعني ماراح يجونها الشرطة لان ماعندها محرم طيب ربي مارزقها الا بولد واحد ..!!

طيب بيت جيرانا اللى ورى بيتنا على الزاوية عندهم 8 بنات وولد واحد بس متزوج وساكن بعيد عن بيتهم ، ويمكن زوجها يسافر ماراح يجون لها الشرطة يساعدونها ….!!!!

طيب لو كان حريق بعد نفس الشئ لازم محرم لان مايصير يدخلون البيت يطفون الحريق ومافي محرم ….!!!

طيب لو اغمى على احد من افراد البيت ومافي محرم واطلبوا الاسعاف ماراح يجي لهم اكيد لان مافي محرم …..!!

بستثناء جيرانا ، احنا بيتنا ماعندنا الا مضيع وابوي ، مرة ابوي كان مسافر ومضيع كان مش موجود بالدمام وقتها لو بسم لله علينا صار فينا شئ اكيد ماراح احد يساعدنا لان ماعندنا محرم @@ …

اتوقع فكرة طاش ماطاش ان يلبسون البنت ثوب وشماغ هذا حل ممتاز قدموه للمشاهدين ( ويقولون بعد لحد يتابع طاش ما طاش ) والله انه يجيب حلول ممتازة جدا ومايقصرون السدحان والقصبي ..

الحين مخلين المراءة تنام بالفندق من غير محرم والشرطي مايدخل البيت لان مافي محرم ” الله اكبر “

صح مفهوم المحرم خطا؟؟

بس مع العلم ( اهي ماطلبت من الشرطي يدخل البيت ، بس يجي عند الباب الشارع يشوف السيارة وياخذ اللوحة الحرامي بالشارع مو بوسط البيت )

لازم نطالب بان يفتحون قسم للمراءة تتوظف وتصير المراءة (شرطية ) على شان تيجي مع زوجها الشرطي ويكون معاه محرم .. ” ولازم يكون في مساوة بين المراءة والرجل “

* اللهم اجرنا في مصيبتنا واخلفنا خيرا منها …