المعلمة والمعلمة
للاسف كل يوم يطيحون معلماتي من عيني .. لم تعد المعلمة قدوة كما كانت سابقا ، تغير التعلم وتغيروا المعلمين 
وكل شئ تغير
كنت بالصيدلية مع اختي واقفة تشتري اغراض ،، وشوية اسمع صوت وحده تتكلم بالجوال على كبر الصيدلية ،، الصوت مو غريب ابدا ابدا
قربت شوية منها وانا اطالعها ،،
الا …………….
مدرسة مادة التاريخ ايام الدراسة …
انا اقول بقلبي : وع !!!
وتتكلم بصوت عالى كانها تشرح درس التاريخ، وتذكرة على طول حصص التاريخ ولما تدخل وتصارخ (لاعت كبدي )
اقول حق اختي ودي اروح جمبها واقولها ( ندري انك ابلة فلانه بس قصري صوتك تراك مش جالسة بالمدرسه ،، وياليت لو بس على الصوت خلوني ساكته احسن ) ويقولون بعد المعلمة قدوة ..
واللى يضحك بالسالفة انها مسوية نفسها ذربة تقول حق الصيدلي ( الله يعافيك دكتور عطتني الكريم الفلاني >> مسكين الصيدلاني مادرى عنها شر مشتر )
هذي مدرسة التاريخ كانت تقول لنا ايام الدراسة : ( يا بنات قدروا انا تاركة بيتي وزوجي وجاية اشرح لكم وانتم مش مقدرين ابدا ) >> كذابة جاية على شان الراتب
ومن فترة واحنا جالسين داخل (جفريز ) في مجمع الراشد 
، الا جمبنا في طاولة فيها مدرسة اللغة العربية لاحد المراحل الدراسية كان كاشفه وجهة وعرفناها على طول ..
الاخت جالسة مع صديقاتها مادري قريباتها واللى معاها مش اهي 
( يدخون ) !!!!
والله لو تنطبق السماء على الارض مستحيل اصادق بنت تدخن ،، خير سلمات وين جالسين،، والله لو اجلس من غير صديقة ماتعرف على بنت تدخن …
وربي اشكالهم قبيييييييييييييييييييييييييح ،مرة مرة قبيح ماتتخيلون 
تخيلوا انثى بالميك اب ومناكير واخر زينه والعباية ماشاء الله تقولون عروس على الكوشة من الزخرفة، واخرتها ماسكة بكت دخان وتدخن ،، ولا بعد عندها ولاعة وتولع الدخان الثاني، وتولع حق صديقتها .( ولما سمعت صوت الولاعة واهي تولعها احس ودي اقوم اذبحها احس الشرار طلع من راسي ودي اقتلهم)
كنت داخله الكافي وانا بقمة الروقان والوناسه ،، احس ان مزاجي صار صفر لما شفت هالمنظر …
وكنت ماسكة المنيوم ابي اطلب ،، لاعت كبدي وماشتهيت اطلب واحس انى مو مستوعبة اللى اشوفة .. والمصيبة الاعظم انها ( امراءة // ام اعيال ) تدخن والله عيب ..
” كل ماتذكرهم تلوع كبدي 
ودي اروح اكفخهم ”
وطبعا ولا وحده جايبة اعيالها معاهم على شان ماتنفضح ،، اذا الزوجة تدخن اجل الزوج وش يسوي يرقص ….؟
الحمدلله انهم قاموا ..
تدرون لية قاموا ؟؟
لان المدرسة اللغة العربية عرفتنا من بنت اختي 
هههههههههههههههههــ وتغطة على طول لما شافتنا ،، تحسب اننا غبيات ماعرفناها
( ياليت لو قلت بصوت عالى اوووة هذي فلانه بنت فلان الفلاني ، حرم فلان الفلاني هنا )
>>> شغل تخريب المزاج على الواحد هههههههههههههههـــ
بس خسارة ذولي يكونون قدوة الطالبات.. 
اتمنى من المقاهي السعودية يسون مكان للحريم برا الكافي يدخون، حالهم من حال واحد من الشباب >>( الحين فهمت لية يطالبون المساوة بين المراءة والرجل ) 
******
انا هالمرة ماذكرة اسماء المدرسات ، بس خل تتكرر مثل هالقصص مدرسة تدخن وغيرها كاشفة بنزل اسمها بالمدونة واخلي الكل يتفرج عليها ، وخل تعرف مين المعلمة القدومة ، مو شاطرين الا يصارخون بالمدرسة كانهم طقاقات .. ( اذا مش قد الوظيفة تجلس في بيتها وتربي عيالها )
هههههههههههههه
الله يسعدك
ضحكت من قلب والله ..
ذكرتيني بأبلة العربي اللي درستني في خامس
من يوم كنا بالابتدائي والكل يدري انها تدخن ..
من اسنانها
مو صفرة لا لا لا ..
بس السنين اللي قدام صايرين مرررة وععع ..
بني على اخضر على اصفر
ععععععع
وترى الستر زييين ..
لا تقولين اسمااءهم خل يولوون بكيفهم يا شيخه
هههههههههههه
أسلوبك مره ضحكني أضحك الله سنك
ما أستوعب صورة انثى تدخن
،،
الحمد لله على العافية ،،
والمدرسين لحقنا على نص هيبتهم
نرجع لهم ألحين يقولون لنا وين أيامكم ،،
هدي اعصابج يامضيعه
مدرسة تتدخن لا راحت ولا جت
وبعدين لا تظلمينها يمكن تستعمل دخان نسائي D:
هههههههههههههههه رهيبة انتي
دايم اقول لاخواتي المدرسة مو قدوة محد قدوتك الا الرسول صلى الله عليه وسلم وغيره لا الا انك تشوفي الشئ الايجابي في الشخصية ممكن
يختي من متى المدرسة قدوة اصلا
ابدا لا تظني انه ممكن تكون المعلمة قدوة
عجبتني دخان نسائي ياماشي
اهلين مضيعة
* بالنسبة للدخان انا ابدا ما امانع ان البنت تدخن بالعكس اشوفه عادي (امي بتذبحني ع هالسالفة) لكن بجد ما اشوف انه بنت تدخن لا …
اشوف انها تدخن والتدخين مضر
سواء ولد او بنت
انا ما اقيم الشخص بمظهره انا اقيمة.. باخلاقة ولا تقولين انها تدخن ماعندها اخلاق لا … مستحيل ممكن انها تدخن وعندها اخلاق حالها حال اي ولد مدخن…
مو عشانها بنت ينقلب عليها الدنيا
ترا لا تقولين هالكلام ولا بتجيبين بنتك تقول عادي التدخين للبنت.. (مثل حالة امي)
* اما من ناحية المدرسات… فلا تفتحين هالجرح علي..:(
مفروض انها عشانها مدرسة ماتدخن لأنها مهنه شريفة..
انا مره عرفت استاذة الاحياء من صوتها بس عرفتها في مسجد في صلاة العيد..بس استاذتي اخلاق
انا ماهمني..التدخين والكشف..كثر ما همي اخلاق خربانه..واسلوب زبالة وتحطيم..وتكسير مجاديف طالبات
وخلق سبب و جو وبيئة مناسبة..للتعفن الطالبة المراهقة
* وبالنسبة للراشد واعدتني خالتي تفطرني فيه من 5 سنين وللحين مافطرتني..
ولا شكلها..
اصلا مسخت السالفة..ماعاد ابي فطورها…<— في قلبها
وشكرا لك اختي
اختك
devotion
هذيان
الله من ايامكم والحريم يدخون ،، اوووة ماي قاد ..
———————–
اسراء
———————
عبدالمجيد
كلنا مانتخيل بس لو تشوف المنظر تكره نفسك
ماشي تراي
اي اي ماشي البكت الابيض في كتابة بالفضي ..
..
لازم اعرف ايش قصة هالبكت هذا ؟؟
تعرف يمكن غالي والحريم يهمهم الفشخرة
————————
روز
كان الحريم يشيشون ، قلنا اوكي تنبلع ..
بس تحط بشنطتها بكت دخان لا لا لا مايصير
من جد شئ يرفع الضغط 
—————————–
devotion
لا لا مش عادي البنت تدخن ..
والله اذا في بنت تدخن تخطبينها حق اخوك ، واخلاق وتجنن وكل شئ ( بس تدخن ) ؟؟
واذا تدخن هذا دليل ان اخلاقها طايحة
مافي بنت اخلاق متربية وترضى انها تمسك بكت دخان
اتوقع هذا من قلة التربية لا اكثر …
استحقر البنت اللى تدخن او حتى تمسك الشيشة
كنت انصدم من البنات اللى يشيشون بالقهاوي
الحين صرت اشوفهم ارحم من اللى ماسكة بكت دخان ..
وانا توني ادري انك انتي بجيران ( لية ماتنقلين على الورد برس )
؟؟؟؟
معاك في شناعة موضوع التدخين
وأنا حاربت التدخين في العمل واستصدرت قرار بمنعه في الشركة وقد استفز القرار بعض المدراء
لا يوجد من اصدقائي القريبين أي مدخن ، ولكن بعض زملائي الطيبين من الجامعة والعمل مدخنين.
لا يمكن أن يدخن أحد منهم في بيتي ، يستأذنني للخروج ٥ دقائق من البيت ليدخن ثم يعود. وماعندي مشكلة في كدا.
حتى خارج العمل أو في سياراتهم يحترموا رغبتي جداً ، وهم يعترفون بخطأهم دائماً ومنهم من توقف ويعود عدة مرات ويشعر بتأنيب الضمير.
وأنا اتفهم موقفهم من خطأ ارتكبوا في حياتهم جعلهم مدمنين على التدخين.
بالنسبة للمرأة ، ألا يمكن أن ينطبق نفس الكلام؟ بالرغم من أني استغربت من فتيات يافعات مدمنات على التدخين بشكل غريب شعرت بأنه ينافي نعومة المرأة؟
بعد 10 سنين لما ينكتب لك نصيب..وتتزوجين وتجيبين بنت.. بتقولك عادي البنت تدخن حالك حال امي…
انا لي زميلات يشيشون عادي عندي اهم شي انها ماتضرني..ولا تشيش عندي ولا تقولي شيشي…..
مالها دخل التربية بالتدخين ممكن يكونون اهلها..عادي عندهم…او فلسفتها في الحياة تبيح لها التدخين…
* وش فرق بين ورد برس وجيران؟
ياسر
ياليت لو كل واحد يدخن يطلع برا يدخن ويرجع
لان احترام للشخص الجالس ..
وخصوصا ان الشخص اللى مايدخن بس يتنفس الدخان يسبب لة اضرار اكثر من المدخن
والناس مو راضية تفهم هالشئ ابدا للاسف..
انا ماعندي اي مشكلة ولد يدخن لان شكلة طبيعي
بس بنت ماقدر استحمل
حتى بتلفزيون او صورة بنت تدخن يرتفع الضغط عندي ..
————————-
devotion
مابي اتزوج ولا يكثر …!!
طيب اوكي بصادق البنت زي ماقلتي
اذا ماطلبت مني اني ادخن وغيرها
بس ماتكون صديقة مقربة لي ولا اخلي العلاقة تزيد بيني وبينها ..
والله تدخن اكيد تسوي بعد شئ ثاني ..
مافي بنت تدخن واخلاقها توب …
ولو كانت اخلاقها توب وعالية ،، يكفي بس انها تدخن
هذا الشئ انا ما تقبلة ابدا ..
الا في حالة وحده اقولها لك بعدين ( مابي اكتبها بالمدونة )
http://mbet0hm.wordpress.com/2007/12/16/wordpress/#comments
مميزات كثييييييييييييييرة واغلب المدونات اللى بجيران انقلوا وجاو الورد برس ..
واي مساعده بنساعدك
تكفين انقلي وبتشوفين الفرق بالورد برس حي الرخاء والراحة
معقول!!!
الله يرحم أيام زمان لما كانت المعلمة قدورة بجد وكنا نحترمها احترام غريب
اتذكر في أولى ابتدائي معلمتي يمكن بالنسبة لي كنت أحبها أكتر من أمي
أييييييييييية ..
الله يرحم المعلمات ..بعد ماتحملوكم وتحمل شقاوتكم
وغثاكم الحين شايفينهم ..وع
المهم ..
المعلمة في الأخير أنسانه ..والأنسان يرجع لتربيتة
أنا صديقات يدخنون شيشة …بس أخلاقهم أفضل من
المسوين أنفسهم مطوعات ههههههههههه
مدونه رائعه ..مضيعه بيتهم
ههههههههههههههههههههه
تعجبينـي مضيعـه
تستاهليـن حبه ع الراس انتي
اي قالوا ايش قالوا قـدوة
انا مااعمم بالعكس في كثيييييييييييير كثيير كثييير معلماات
أقرب من الامهات للبنت .. معلماات لاشفتيهم من الاحترام تنزلين راسك
معلماات ماينوصفوون ..
وفي معلمات تجيك انا ابي انصحكم انتوا مثل بناتي انا ماعمري خليت بنتي تطلع من غير محرم >> مثال يعني
تروحيين السووق تشوفيين البنت ياحلاااوة .. هذي اللي صاجتنا فيها امها
شله فاسده وتبـرج
آخـــــر زمن !!
( رد مستعجل )
تظل المسألة راجعة للتربية الداخلية بالبيت …..
لا معلمة ولا طالبة ولا عامل في الشارع ……
المعروف أن المعلم أو المعلمة قدوة , وويجب أن يكونوا كذلك ….
لكن المصيبة إذا حدث تناقض بين كلام المعلم وبين أفعاله خارج المدرسة
تحية لزملائي المعلمين
<<<<< معلم
^
^
انا كل ماشوف اسمك اتذكر مدرسة الرياضيات بالثانوي
الظاهر كلكم يا اعيال الشايع معلمين ومعلمات ماشاء الله تبارك الله ..
وانا اقدم تحبة للمعلمين والمعلمات ..
بس مو كلهم للاسف
مات الحياء في مجموعه كبيره من بنات هذا الجيل وقاتله هو القدوه السيئه …
. للأسف أن هذا الواقع ليس بين المدرسات فقط ولكن بكل الوظائف …
اووووهـ
حدّث ولا حرج من المواقف
والمفاجعااات . الي اعرفها عن المعلمات لاسيما وامي معلمة
فأعرف اخلاقها من اولها ليين اخرها مع السوالف
لكن مو اهي الي تقولي انا ابي اعرف
لكن صراااحة صحيح .. الي مو قد هالوظيفة ليش تتعب حالها وتجي
خلاص البيت ارحم .. وان تقاعدت راتبها ماشي اعتقد ماينقص منهـ الا شوي <<ماادري مو متأكدة
يقولون ان معلمات اول ..كانوا مميزات .. <<كل شي من زمان يقولون مميز
مايندرى
[...] المعلم يفكر انه اهو افضل من الطالب 100% ، ولا في اي مجال ان يختبر [...]
[...] ثوب ولد جيرانهم مادري سواقهم ومصورة فيه خاطرها مثلا تروح القهوة وواحد شيشة يامعلم >> اوة صح نسيت انهم يشيشون البنات [...]
لوووول والله اسلوبك يفطس من الضحك
اذا انتي شفتيها بالسوق احنا نشوف معلماتنا يطلعون من المدرسة على طووول يكشفون ,, والله حالة ,, اذا الملمة كذا << امحق من قدوة !!
السلآم عليكـمـ ..؛
أولآ ..
مضيعه .. انا من المتابعين لمدونتك الأكثر من رائعه واهننيك عليهآ ….
بصرآحه كنت أتابعك بصمتــ ..
لكن هالموضوع بجد جذبني للرد …
تعرفين ليش ..؟
لآني مريت بنفس السيرهـ هذي .. طآحتـ من [ كانتـ قدوه ] من عينيـ
والسببـ ..؟
والله اتقزز من كتابتهـ ..
رآح ابدأ لك مــــن البدايه … ومن الآن … حديثي سيطول { بعد اذنك غاليتي مضيعه }
بدآيتهآ ..
بالصف الاول ثانوي … صديقتي ( المقربهـ ) .. حبت تلعب على وحده من المعلمات .. وقآلت بآقولهآ اني احبهآ .. ومن هالكلام الفاضي..
وصدق سوتهآ .. مآكنت حآبه الفكره ولا الأسلوبـ .. لكــــن وش اقدر اسوي ؟!
بعد فترهـ فاجأتني وهي تقــول حبيتهآ صــــدق !!!
ماعلينآ .. مشيتهآ لهآ بعد كم هائل مــن النصآئح ..
بحجهـ [ فراغ عاطفي .. مرآهقهـ ....... الخ ]
راح اعطيك نبذه مختصره جدآ عن علاقتهم ببعض ..
أولا .. تطلع من حصصها عشان تروح لها ..
24 ساعه معها .. تتمشى بالساحه والايد بالايد بشكل مقزز ..
مكالمااااات مالها حد .. توصل تكلمها بالليل .. الساعه 12 عادي ..
طبعا بدون علم الأهـــــل !!
المصيبه .. ان اهلها يدرون بعلاقتها معها .. بـ أنها تحب المعلمه الفلانيه وبس .. وماشين معها .. ومأيدينها !!
مايضرني الشي هذا …
وبحكم الصداقه اللي بينا اللي تعدت سنواااااااااااات .. ماحبيت اتركها .. لكن اللقب اللي اطلقته عليها في السطور اللي فوق ( المقربه ) انسحب منها .. واصبحت زميله .. فقط .. امشي معها وكذا .. لكن العلاقه رسميه .. سوالف وضحك بحدود وبدون التعدي على المسائل الشخصيه .. لاني واثقه تمام الثقه ان كل شيء بيوصل هالمعلمه .. فــ أخلي الطابق مستووور اسلم لي ..
:
:
:
كل اللي فووووق مايوصل شي عند الحين ..
في يوم استلام الشهادات .. الكل طلع .. كنا موجودين .. وانا باطلع مع صديقتي قلت يافلانه بتجين .. قالت لا .. قلت براحتك ومشيت ..
بعد فتتتتتتتتترررره طويله .. شهر او اكثر ..
كنت اسولف مع وحده .. قالت لي انتوا ماتدرون عن اللي صاير بين فلانه وابله فلانه ..؟ قلت ايش ..؟
قالت :
انه بيوم الشهادات .. دقت على اختي مبسووووووووووووطه ..
تقول ان كنت انا وهالمعلمه بالمدرسه بلحالنا بغرفه الارشاد ..
ويوم جيت باطلع نادتني و ( اتعذر عن كتابه هذه الكلمه ).. لكن بمعنى آخر “قانوني بعض الشيء” …… سلمت عليها< وافهمي :d
انا من جد تقززت منها ..
حتى جتني وتكلمني عادي .. احس اني مقرررررفه اذا كلمتها ..
وصلت الوقااااااحه كذااااا ..؟!
بقيه السالفه .. اتوقع غير مهمه في الموضوع .. لكن .. السالفه وصلت للاداره بطرييقه من الطرق .. و ( تم التستر عليها بحجه الحفاظ على سمعه المدرسه )
وخرجت هذه المعلمه مثل الشعره من العجين …
اذا لم يكن – الفصل – عقابا لها .. وحل التستر عليها مكانه ..
ووقعت أخريات في شباك هذه القذره .. “واتعذر عن بعض الفاظي” ..
الى متى نتستر عنهم ..؟
وتكون هذه النماذج القذره قدوه لنا ..؟
مضيعه فتحتي قروووح .. خخخ
شكـــــــرآ لك …
برايفت ..
” تدرين اني اول مره ارد على مدونات غير مدونه صديقتي .. يعني ياحظك ؛) “
نعيش ونشوف مصايب ]+..
ختيهـ .. ترى في واايد ناس ننصدم فيهم ..
ونتفاجأ بتصرفاتهم ..
يمكن لانه نحن كنا واثقين فيهم بدرجة كبيرة وكنا متصورين انهم ملاك لا يخطا (استغفر الله )..
لكن الحقيقة انه نحن اللي كنا نتغاضى عنهم ..
بقول لج بعض الاشياء اللي استوت معانا ..
عندنا معلمة تنصحنا لا تظهرون شعوركن وحرام وعيب وما يصير ( انا الحمدالله ما اطلع شعري ) لكن هي كانت تقصد باقي البنات ..
وكانت كل يوم على هالحال ..
سيري الحين شوفي بنتها استغفر الله الشعر برع .. وغير القلعه اللي على راسها ما تقولين ابراج الامارات [ تنصح بنات الناس وتنسى بنتها ] .. وللعلم تراها مدرسة تربيه اسلاميه .. ( الله يستر عليها ويهدي بنتها )..
وهاي سالفه ثانيه بالثانويه كانت عندنا مدرسة جيولوجيا .. مرة عند الدرج وحده من البنات كانت تمشي وراها تبا توصل للصف .. الا وتقع المصيبه ..
تقول لي البنت الابله ريلها طالعه ( رجلها ) يعني بالعربي الابله ما تلبس سروال – صروال – بنطلون ما اعرف شو تسمونه .. المهم البنت تقول لي هذه وهي مدرسة وكذا عيل ما الوم باقي البنات ..
هذه اعتبرها قصص عاديه واذا بنجي للمصايب اظن في مصايب عظيمة تخفيها المعلمة تحت قناعها .. كل وحده فيهن مسويه لي فيها انسانه محترمه وطايحه تهزئ وصراخ في البنات كانهن حيوانات مب بني ادمات ..
+[ طولت في كلامي .. بس من جد المعلمات يقهرن .. صحيح مب كلهن في معلمات قمة في الاخلاق وفي معلمات (..................) ]+
بنات اخر زمن رحنا فيها إذا كل وحدة تبي تعلق على مدرستها على الاقل لا تنسون معروفهم كانوا يدرسونكم وكل اللي سووه لمصلحتكم الله يستر من الايام الياية