امس بالليل بعد ماخلصنا من العشاء كنت اقول حق مضيع ، اذا صارت الساعه 9 ونص وانا ماصحيتك من النوم اعرف انى مابروح الدوام 
…
اليوم الصباح ماجاني اي اتصال على اساس اني اروح المعهد ، لهذا السبب كملت نومتي ..
وشوف افتح عيني على مضيع يقول :- مضيعه مضيعه ابوي على التلفون قومي كلمية ..
بابا ماسمعنى صوته من اكثر من اسبوعين 
اخر اتصال اللى كتبت عنه بالمدونة وكان هو اخر مرة ،، وبعدها صرنا ننتظر الاتصال ولا يتصل ماتتخيلون ضيقة الصدر طول اليوم لين نهاية الاسبوع ..
الحمدلله اليوم سمعت صوته واحلى صباح على صوت بابا ..
انا :- اهليييييييييييين بابا
هو :- اهلا اهلا اهلا بابا حبيبتي مضيعه
انا :- ” مندفعه بقوة والكلام يطلع ورى بعض واحس ودي اطلع من سماعه الجوال واحضنة ”
(دار حوار طويل ، وزي ما قلت حق اختي “ام عبدالرحمن ” اليوم بالتلفون انك لما تمسكين الجوال ماتدرين وش تقولين غير تبغين تعرفين اخبارة وهو يبي يعرف اخبارنا ،، واحس الوقت يمشي ولا تدرين وش تقولين هو مو يوم او يومين هو 117 يوم )
بديت اقولة عن اخبارة واكد له اننا كلنا بصحة جيده والحمدلله ، وبديت اقولة ان الكل يسئل عنه وبديت اوصل سلام عماتي وخالاتي وكل من يسئل عنة وعن صحته ..
هو :- الحمدلله يا بابا اهم شئ انكم بخير بس لاتحاتوني ابدا والله اني طيب وصحتي زينة بس انا افكر فيكم ..!!!
” تفكر فينا اجل وش نقول احنا اللى ماتروح عن بالنا ولا دقيقة ، البيت و الاماكن والناس .. حتى الشارع والسيارات الهواء اللى يمر نتذكرك متى تغيب عن بالنا .. وقت النوم لا نمنا حلمنا فيك وانت تدخل علينا وننتمنى الحلم يصبح حقيقة باقرب وقت “
المفروض الاتصال يكون امس وخواتي كانوا موجودين ينتظرون الاتصال بس ما تصل ، اليوم هو اتصل مافي الا انا وماما بالبيت ..
كنت اضحك واقولة ( بابا والله الحين خواتي بيموتون قهر لاني سمعت صوتك واهم لا ، مساكين كل مرة ينتظرون ومشتاقين لك )
هو :- بدا يضحك ويقولي ( سلمي عليهم كثير كثير ، ) وسئل عن اعيال اختي ام عبدالرحمن وعن كل كبير وصغير بالعائلة ..
انتهت المكالمة وهو صوته الحمدلله يبشر بالخير ، واحس انى مرة فرحانه لاني سمعت صوته ..
بس اتمنى اتمنى انه يكون صحيح بخير وصحته جيده ..
زي مايقولون ( مايقدر يقول شئ يعني وش بيقول تعبان وطفشان و…………و…………..الخ واللى يصير واحنا ماندري عنه )
مالنا الا رب العالمين والدعاء له ..
يوم الاربعاء القادم راح يكمل ( 4 شهور )
يارب يارب يارب يارب رده له عاجل غير اجل
وفك اسرة واسر جميع المسلمين ..
الـــــــــلهـ
فرحت والله وانا اقرا متشققة
الحمدللهـ سمعتي صوتهـ
اجل خواتج شنو بيسوون .. ! خخخخخ
يارب يارب يارب يارب رده لنا عاجلاً غير اجل
وفك اسرة واسر جميع المسلمين ..
آآآآمين يارب .. الله يسمع منج .. (:
نسيت اقول سوري
البوست يهبل احسه متفاااءال هالمرة
الله يدومهـ هالتفاؤل
ان شاء الله يرجع لكم بالسلامه يا مضيعه : ) الحمد لله انه بخير
الحمد لله
روح التفائل مووووجوووووووووده
هذا المهم
مضيعه
امممممممم
الله يرجعه لكم
الحمد لله الي يسرها لك هالمرة ،،
وإن شاء الله تفرحون بجيته قريب ،،
الله يرده عاجلا غير آجل ،،
في البداية فرحت … قلت جا خلاص الحمدلله…
بس يلا ان شاء الله قريب يارب
والله يديم تفائلك يارب
أحلى شي في البوست إنو فيه سمايلي فيس كثير
الله يديم الإطمئنان في قلوبكم و يفك أسره و أسر فؤاد و أسرى جميع المسلمين
الله يرده لكم عاجل غير آجل ، سالم معافى في دينه وعقله وصحته
( نفسي ارعف هو وين بالضبط ) >>>>>>>>لقافة أدري
الحمدلله انك ما داومتي اليوم
ولا راحت عليك المكالمة
الله يرجعة لكم باسرع وقت
وهو سالما معافى
آمييين يارب …
آمين يارب الله يرده لكم ..
الله يطمن قلبك دايم يارب
اللهم عجل بفك اسره واعده سالما لاهله
وعقبال مايرجع لكم وتفرحون بردته (فرحتلك من قلبي)
أعاده الله إليكم سالما إن شاء الله
ماشاءالله ، الله يتمم عليك هالفرح يامضيعه ، احسك مبسوطه
الله يرجعه لكم بالسلامه ياااارب
آمين..آمين يا مضيعة …
أكيد حيرجع لكم بالسلامة.. أكيد
الله يرده بسلامه هو وجميع المفقودين والاسرى المسلمين
ترى مادري ابوج مسافر ولا مسجون ولا انت مضيعه بيتكم او هو مضيعه شسالفه الله يرحم والديك اسلوبك حلو مشالله حولك وحوليك..الله يستر عليك
أخيرا عرفت منهو اللي تنتظرينه !!!
لأني لسى جديدة هنا ..
الله يخليه لكم ويرجعه بالسلامة ..