εìíз واجب انشر غسيلك

تم تمرير واجب على مدونتي من المدونة (حلمي معي )

الله يسامحها على هالواجب راح اسمية (نشر غسيل )

وهو كل مدون يذكر عيوب نفسة آآآآآآآآآآآآآء وش هالواجب فضيحة مرة وفشلة …!!!

هو مافي انسان كامل والكامل سبحانه وكلنا فينا عيوب وحلو ان الواحد يعترف بعيوبة ويحاول انه يعدلها ولو جزء بسيط >> ترفع معنويات نفسها خخخخخخخ …

- اكتم بقلبي اكتم اكتم اكتم لين بالاخير يولد بركان ، ولكن احيانا للاسف الشديد اعترف ان البركان يكون خاطئ وقت انفجارة ” وكثرة الكبته بقلبي ما اقدر انام الليل من كتل البركان اللى بداخله لوووووووول ” ..

- ماحب بنات الجيل هذا البايخات مع احترامي للبعض، ما قدر اندمج معاهم ابدا ويطفشني مجلسهم وسواليفهم التافهه ” ادور اعذار سخيفة على شان اتحاشى هالتجمعات ” >> يقولون اني تربية جيل قديم ..

- ما قدر اجامل الشخص اللى قدامي ،،، احس انى اتعب نفسيا اذا اجامل شخص مو عاجبني لووووووووول …

- ما احب اعبر عن مشاعري قدام اي شخص ، الا اذا كان شخص احسة قريب مني .. ( لاني اتوقع ان ابتسامتي واحترامي لة يعبر عن مشاعري ويكفي ) ..

- ماخذه شهاده الدكتوراه في الحنه ( والحنه والرنة من طبع العجايز ) بس السنة الاخير قللت من حنتي لان حسيت قلبي يذوب من كثر ما احن بدون اي فائده .. ” من كم سنة صديقاتي اطلبوا شئ وانا قلت لازم امي توافق ولما قالت امي لا ، قلت حق صديقاتي الا امي بتوافق بس لازم احن وانا مالي خلق ، ترجوني احن على امي ..نمت صحيت من النوم الصباح وكل طاقه وحيوية وتوني ببدا اشغل الاسطوانة قالت امي موافقة ههههههههههههههه ”

- اللى بقلبي على لساني وهذا يعتبر عيب لان الناس ماتتقبل كل شئ ..بس المقولة تقول ( الصراحة راحة ) ” الله يذكر بابا بالخير ويرده لنا سالم كان يقول نادوا مضيعه خلوها تقول رايها بتقول لكم “شكويتوا” او لا هههههههههههه كان يعرف اني شلاخه من تعابير وجهي اذا اجامل او صادقة لوووووووووول “

- ما ارضى احد يتكلم على اخواني ولا خواتي …!!! طان طن طاااااااااان ,, حتى ماما لو تتكلم في واحد منهم ما ارضى ازعل ودائما اتهزء لاني ادافع عنهم ( وش اسوي احبهم ) بس على فكرة انا اتكلم معلية بس احد يتكلم لا ما ارضى ..

- لما احد يطلب مني شغلة اسويها ما يتاخر على اسبوع وزياده وبعدين يجي ويقول تعالي سوي الشغلة ( يعني حار بحار ) ..

* مداخله من اختي ” رحت لها الغرفة وقتلها وش عيوبي ، وليتني ماسئلتها اندفعت على كالمدفع وكانها تنتظر احد يسئلها هالسؤال على شان تجاوب عليه بكل قوة وحماس وثقة “

1/ صعب ان يعجبك شخص ( الناس اللى تعجبك قليلة ) ” بس بالاخير تراجعت عن كلامها وقالت ، يعني مو مايعجبك بس مادري قليل الناس اللى يخشون مزاجك ” >> لا عادي كل الناس يعجبوني بس لما يكون الحوار بيني وبينك اعبر عن مشاعري وراي هذا شئ ثاني ..

2/ كل مالك خلق .. >> طيب طيب اللى يسوي لك شغلك

3/ عصبية ، ولما تعصبين تنسين مين قدامك >> مو يقولون اتقى شر الحليم اذا غضب ( مريت على كل المدونات لقيت عندهم العصبية الظاهر وراثة في العالم العربي )

مادري هذا بس اللى موجود ” لازم اكيد في عيوب فيني كثيرة بس مادري والله ما اتذكر شئ ” باقي مضيع خلة يكتب بالمدونة عيوبي معطتك الضوء الاخضر (يامضيع ) ,,,

كان ودي اسئل ماما واختي “أم عبدالرحمن ” بس الوقت متاخر وكان تحدي بيني وبين (عالية )

طبعا طبعا طبعا اكيييييييييييييد راح امرر الواجب

اول شئ :-

بمررة على هذيــــــان وعاليه لانهم عارفين وش مسوين بالماسنجر .. ( عالية بتحل الواجب الان لاننا على تحدي )

ثاني شئ باقي المضيعين والمضيعات :-

المضيعات :-

يلو تاكسي - اسراء- انتروبي – باب الجنة-

devotion- روز – ماي هديل- شدا

مرجوجة – ميس ليان - الجوري – بنت الروح- جوري

بسمة – شموخ – حديث الدجاج - مي - قطر الندى- عيون الحب –

wema- فوتون – أوركيد - ايانق – أماني - نوف

المضيعين :-

محمد الملياني - ماشي صح - ثامر (القائد) – حلا بزيادة-

*ابراهيم ( وعائلته عبدالله ود.طفشان )

يوسف منصور -extraVadanza – سلطان

أيام – رادار – عبدالمجيد -ياسر متبولي- محمد الشهري -مساعد – مجرد سؤال

حكايتي والزمن – ابو لارا - حسن الشيخ - راكان - سعيد -ابو مروان

طير يرقص – فواز- بدر الشيحه – بندر رفة -جندبي - باغي شهادة -الناقد

مشغول من كثر الفضوة - أرطبون- ابن الشمال – بدر الشايع- عبدالله الثاري-خالد86

- محمد- حرباز- صارخ بصمت – عبدالله حكيم-

باقي كثير كثير من المدونات والمدونين ، بس بخلي مجال لباقي المدونات والمدونين اهم يمررون الواجب عليهم