εìíз يومياتي بالمعرض ..!!

والله ماكنت ادري ان المعرض وناسة وكلة شرب قهوة وكاكاو رايح ودونات جاي وكوكيز مار ………….الخ

وفلانه جاية تسلم ،، وفلانه تسولف .. ” ومافي احلى من كلام نواعم “

اول يوم الثلاثاء :-

كان توتر شديد فيني بس كنت مهونة على نفسي ان الموضوع بيكون مرة سهل …

بس الصباح صحيت من النوم وكنت ليلتها مانمت من ضيقت الصدر على هديل ” الله يشافيها يارب ويقومها بالسلامة “

دخلت المعرض ، والحمدلله كل شئ تمام ..

مكاني انا وصديقتي

قبل لا ينتهى الوقت بنص ساعه ، تحركنا من مكانا واخذنا لفة بالمعرض ، ورحت عند (معهد الاكاديمي ) وجلست اضحك مع البنات واول مرة اشوفهم بس عسل مرة ..

ولما خلصت من اخذ فرة في المعرض .. قلت حق صديقتي : ( خلينا نروح عند معهد الصحة . ونشوف وزنا وطولنا نوسع صدرنا )

هي : ( روحي بروحك وسعي صدرك احد يشوف وزنة ويوسع صدرة ؟؟ )

انا :- قتلها تعالي وش عندنا والمعرض وبدا يفضى ..

جات معاي وقالت مابركب على الميزان لا ابي اشوف وزني ولا ابي اشوف طولي >> هههههههه

انا ركبت وضحكت ووسعت صدري والله ،، وقبل لا نرجع لمكانا شفت بقسم الصحة (مغذي وابر وادوات المستشفى ………..الخ )

ناديت صديقتي واقولها شوي لاعت كبدي ..

هي : امشي امشي الله يخليك لا يغمى عليك وابتلش فيك >> لووووول

وانتهى اليوم ( واحنا ضحك على بنات المدارس واسئلتهم الغريبة العجيبة ، اللى تقول عندكم دورة مكياج ؟؟ والثانية تقول في رقص ؟؟ واللى ماتدري وش نظام ساعات ؟؟ واللى ماعندها هدف بالحياة ؟؟ واللى اجلست على الارض وتشوف اللى رايح واللى جاي ؟؟ واللى لابسة مليون الف اكسسوار وتستعرض نفسها ……………….الخ من الاشكال البشر )

- المفروض المدارس قبل لا يطلعونهم رحلة ماعطينهم خلفية انهم لازم يكون عندهم هدف…!!!

طيب ماعلينا ..

انتهى اليوم بحمد من الله وفضلة وكان من الساعه 9 لين 11 ونص صباحا ..

اما اليوم الاربعاء :-

كان دوامي من 4 لين 7 مساء ..

كان جدا جدا قليل عدد الزوار وهدوء يعم المكان ..

بس طول الوقت جالسين على الكراسي سواليف ، سالفة تجر سالفة ( وكل سالفة تحتاج بوست كامل )

اذا تبغون انزل اهم العناوين :d

في شغلات كثيرة اعجبتني بالمعرض ، وشغلات اول مرة ادري عنها ..

احتاج بوست مفصل عن كل كورنر وايش عندهم شغلات حلوة ….!!

صورة بعض المنشورات اللى اخذتها ..

ودي اقولكم :- وعن المعاهد والجامعات والنصب والكذب ، واللى اول مرة ندري عنهم ، ولا اقولكم عن الموظفات اللى مايدرون وين ربي حاطهم . ولا ايش ولا ايش ( خلوني ساكته احسن )

احلى شئ احلى شئ جذبني هو كورنر لدراسة ممممم الثلاثي الابعاد ، وتحريك الرسوم المتحركة

( http://www.arena-ksa.com/ )

كلمت روعه ووناسة ماتتخيلون .. وتوني ادري ان في شغلات زي كذا حلوة (بالدمام ) ..

وغدا الخميس باذن الله راح يكون اخر يوم لي بالمعرض وبيكون من 4 لين 7 مساء .

بس المعرض بيكون مفتوح يوم الجمعه مساء فقط مافي صباح .. (وفي قسم خاص للاولاد الجهة الثانية ) ..