كثير من الناس يسئلوني ..
وين ابوك مضيعه ؟؟
كيف يعني ابوك في الاسر ؟؟
وين اسرينه في غوانتانامو؟؟ >> بسم لله عليه
لية مخلين ابوك في السجن وهو مخلص تحقيق من زمان وش يسوي طيب ؟؟
لية اسجنوه على شان قدم خدمة انسانيه ؟؟
لية يسجنون بالسعودية ؟؟
لية ماتزورونة كل يوم ؟؟
كيف يعني صار هذا الشئ ومتى و……….الخ؟؟
لية ماسويتوا واسطة ويطلع ؟؟
لية
لية
لية
لية
اسئلة غريبة ..!!! او البشر مو عايشين بالديرة ؟؟
استغرب من اسئلتهم واتفاجاء بصراحة ….
واجلس اقول كم سجن بالسعودية ، وكم شخص داخل السجن ، والسجن داخله ناس اكثر من العدد المطلوب .. وين كل هالبشر ماتدري بالاخبار؟؟
الكل يفكر ان الشخص اللى بالسجن لازم يكون اما قاتل او مسوي جريمة محد يدري ان السجن فية ناس كثير مظلومة وفية بشر اهلهم مايدرون عن وجودهم وين ….!!
لما يسئلوني اصاب بالحزن الشديييييييييد واتمنى انى اصيح ،، او اقولهم يسكتون احسن ..
واحيانا ما اجد جواب وانا عندي جواب لكن كيف اوصل الجواب الى من يسئلني ؟؟؟ وهو اصلن مايدري وين ربي حاطة
طفشت وانا اقول سبب اعتقال ابوي 
طفشت من الناس الى مو عايشة معاك في وسط المنزل وتحسب على كيفها كم يوم لابوي من اعتقال …
طفشت من الناس اللى تغير الكلام وتقول شئ ثاني وتنكر كلامك ..
طفشت من الناس اللى ماتفهم وش يعني اعتقال ….
طفشت من الناس اللى همهم تفاهات الدنيا ويجون ويتفلسفون
طفشت من الكلام اللى لا يودي ولا يجيب ولا حتى يفك اسر ابوي
اتوقع هالبشر لو تسئلونهم عن اخبار استار اكاديمي واخبار الفن والطرب وتفاهات الدنيا تجد الجواب لديهم
” عفوا : السكـــــــــوت من ذهــــــــــــــــــــــب “
لقد قلت لك سابقا إن بقيت تهتمين بكلام الناس حتتهبلي….
يا رب فك أسر أبو مضيعه… آمييييييييييين
اسمعني قلبوووووووووووو
لا تعطي لااي بنت مجال تتقرب منك بهذي الاسئله
هذي اشياء فعلآ خاصه
وقولي لهم من راقب الناس مات همآ
ان شاء الله يطلع قرريب
الله يرجعه لكم ويفك اسره في اقرب وقت ان شاء الله
الله يرجعه لكم عاجلا
ويفك اسره ويقر عينك بشوفته
والله اني ادعي له
مضيعة ابغاك ضروري ع المسن بليز
حبيبة قلبي مضيعه ومن متى نحرق اعصابنا وتتدهور نفسياتنا عشان الناس
والله الذي لارب سواه ان اللي يلحق ورى كلام الناس راح يتعب
ماعليك منهم
ولاتخلينهم يحتلون من تفكيرك ولو 1%
أهم شيء إنتي00
حبيبتي كثري دعاء للوالد وأكثري من الإستفغار وعسى الله يرجعه لكم سالم غانم معافى يارب عاجلاً غير آجل
لاتقنطي من رحمه الله 00فالله موجود
ولكنه ابتلاء ابتلاكم بهـ
” ومااحب الله عبداً الا ابتلاه ”
عسى الله يفرحكم برجعته قريب يااااارب
الأ عتقال شي والسجن شي
الظاهر هذول اليسألون ما يعرفون شي أبعد من ستار أكاديمي
أعانك الله
الله يجمع شملكم ويفرحكم بشوفته سالما معافا
والصبر عند الابتلاء فية اجر عظيم فاوصيك بالصبر وخلي عندك يقين ان الله بيرجعه لكم بإذنه تعالى
والبنسبه للناس محد سالم منهم وطولي بالك ولا تهتمين وخلي ايمانك بالله قوي
الناس دايما جذيه يعتقدون المطلقة مسوية شي والا جان ما طلقها ريلها
و الطالب رسب لانه ما درس
و الموظف انطرد لانه ما اتقن شغله
و….
و…….
و………
اشياء كثيرة يعتقدها الناس غلط ويفسرونها على كيفهم
ما يدرون ان المشكلة لها اسبابها الي نعلم قليلها ويخفى عنها كثيرها
مايدرون ان في اشياء ما نشوفها بعيننا و ما ندركها….
فالكل يدور في هالبلد ويالف قصص تنفع تكون موسوعة للي يحب يطلع عليها
ما يدرون ان بعض الناس مظلومين وما يعلم بحالهم الا الله سبحانه
ما يدرون ان كلمة الالم وحدها كفاية
الله يعينج مضيعة على القصص الي بتسمعينها من الي حولج
وربي يرد لج الوالد سالم وغانم و يبعد عنه كل شر ويفك اسره
وتقر عينج بشوفته يارب ولا يحرمج منه
دمتي بود
بالنسبه للناس نصيحه شغلي سفطيشن
ما راح تخلصين في بعضهم يسأل من باب الميانه و لو مو قريب ( بالعربي يمونون نفسهم غصب ) أو لقافه و يا كثرهم قليل يكون شخص فعلاً مهتم
و المهتم فعلاً يفترض يوفر الكلام و ما ينساكم بالدعاء
أسأل الله أن يجمعكم على خير و تفرحون به قريباً
دعواتي لكم
يارب يارب يارب
يارب يارب يارب
يارب يارب يارب
ياودود ياودود
ياذا العرش المجيد
يافعال لما تريد
أسألك بعزك الذي لايرام
وملكك الذي لايضام
وبنورك الذي ملأ أركان عرشك
أن ترد والد مضيعه إلى بيتهم عاجلا غير آجل سالما مسلما
)كتبت هذا الدعاء بعد ماطلعت من صلاة الجمعة( أسأل الله القبول…
))) من راقب الناس مات هما”(((
تحياتي وتقديري
عظم الله أجرنا بهديل..
وأعاد والدكم لكم سالما..
اللهم فك أسره يا رب
السلام عليكم
لا أدري بأي ذنب أو تهمة تم اعتقال والدك لكن ما أعرفه أن السجن صار شرفـًا للعراقي…
ولم أحض بهذا الشرف…
لكن ما معنى اعتقال 1500 عراقي شهريًا كمعدل عام؟ ( هذا بالنسبة للسجون الأمريكية )
وحاليًا اقترب الرقم في السجون الأمريكية للمعتقلين منذ عام 2003 من 400000 معتقل يتم ترقيم المعتقل برقم يدل على تسلسل دخوله للسجون الأمريكية في العراق
على كل فرج الله عن والدك ورده إليكم
معليش مضيعه … الناس فيها فضول رهيب لدرجه يحطون انفسهم في امور الناس الخاصه ويبون يعرفون كل شيء كل شيييء
الله يعينكم .. ويرجع ابوكم لكم بالسلامه
وتفرحون برجعته ان شاء الله : )
الله يرد لكم ابوكم إن شاء الله
و غالياً اللي يسألون يا بدافع الفضول او دافع إنهم رحمينك و ودهم يخففون عنك
فيه ناس تسأل لمحبتهم لك ..
وفيه ماس تسأل لقافـــه ..!
الله يفك أسره ويرجعه لكم سالم …
ياما في السجن مظاليم
تباً للقيود ..
مضيعة لا تبتأسي ..
المعتقل مرحلة فقط .. وشدة وحتزول
فوسعي الصدر
وراحة أبوك في سجنه
اذا شافكم مرتاحين ومبسوطين وقت زيارته ومكالمته
هنا يرتاح شوي ويهدا باله عليكم
اعطوه انطباع كاذب انكم بخير ومبسوطين
حتى يرتاااح
من تجربة في المعتقل السياسي - لا أعاده الله -
أكثر ما كان يرهقني وضع الأهل في الخارج
والزيارة هي من تحدد حالتي النفسية بعد الله سبحانه
فإذا كان الوالدين مبسوطين ومرتاحين
ارتاح وانسى الهمّ واعيش حياتي الطبيعية بالمعتقل
لكن إذا شفتهم متكدرين وبعيونهم الحزن والأسى
اجلس حتى الزيارة القادمة وانا مهموم ومقطب الحاجبين
..
ليس من شدة إلا بعدها الفرج
وفي اشتداد الضيق يأتي الفرج
والعسر لا يغلب يسرين اثنين
العسر ذكر في القرآن الكريم أظن 16
واليسر إن لم أكن واهم 32
يعني الضعف
..
نقطة أخيرة
والدك أعتقل بقضاء الله وقدره وأمره
وسيخرج بقضاء الله وقدره وأمره
..
أما البشر فهم بشرٌ وعبيد
لا يقدمون ولا يؤخرون ولا ينفعون ولا يضرون
ولا يملكون لأنفسهم نفعاً ولا ضراً ولا موتاً ولا حياةً ولا نشورا
..
نصيحة كل ما ضاق صدرك قولي الحمدلله
وعلمي أهلك عليها
احمدوا الله على قضائه وقدره وعلى ابتلائه
..
احمدوا الله وارضوا
وسيرضيكم الله ويفرج عنكم
كرروها برضى ويقين
الحمدلله
الحمدلله
الحمدلله
ا.هـ
أخوكم
معتقل سابق
لاتهتمين بالتافهين
لان ماعندهم لا صلاح ولا عطاء
وش الفايده من كل الاسئلة ؟؟
ياشين اللقافة لاتعطينهم وجه واللي يزعل ان شاءالله مايرضا بالطقاق
أنا وحده من اللي سألوك ، لكن يالغالية ماكان قصدي أضايقك
ولا هو لقافه مني أو تفاهه .. بالعكس سؤالي كان لاني شفت أبوك في كل حرف بالمدونه .. مجرد اني ابغي افهم وش الموضوع ..
ولا تستغربين مني لما اكون مو فاهمه شسالفه لاني مو عايشه معاكم بالسعوديه وهالشي غريب علي ولا مره سمعت عنه بالامارات..
والسموحه
الله يرده لكم سالم
حبيبتي ما عليج من الناس وكلامهم ..
خلهم يولوون عنج .. مثل ما يقولون { عطيهم الاذن الصمخا } ..
ولا تضيقين وتكدرين خاطرج ابوج باذن الله راح يرجع لكم راح يرجع بينكم ووسطكم .. كل ليل لازم يتنهي وتشرق الشمس من جديد ..
وانا متاكده مليون بالمية انه ابوج انسجن ظلم ..
صحيح اني مب سعودية وما اعرف شو سالفة ابوج .. بس دام عنده هالبنت الطيبة وعرف كيف ينجب رجال ونساء محبين لوطنهم وقمة في الاخلاق .. ما عندي شك لو واحد بالمية انه راح يكون مسوي شي غلط } ..
حبيبتي ارفعي راسج وقولي هذا ابوي وانسجن ظلم ولا تضايقين وان شاء الله ما بعد الضيق الا الفرج .. }