εìíз تعرفون ترسمون او لا ؟

الرسم موهبة ؟؟

يمكن تقولون لي اي يامضيعه الرسم موهبة كلامك صحيح ..!!

طيب ممكن احد يكون رسام وهو مايحب الرسم ؟؟

ممكن لية لا في ناس تعرف ترسم بس ماتحب الرسم ..

طيب لية انا ماطلعت رسامة ؟؟

من المرحلة الابتدائية لين المتوسط بالاسبوع مرة في حصة (رسم ) وياليت لو حصة وحده لا حصتين ورى بعض ..

ما اكرة الرسم بالعكس احبة واتمنى لو اني اعرف ارسم بس ما اعرف ابداا

وش نسوي بحصة الرسم ايام المدرسة >> سؤال رائع

نجلس نسولف ونجيب بطاطس وعصيرات وسواليف ونكمل دفاترنا اذا كانت ناقصة او نحل الواجبات ، واذا علينا اختبار بعد الحصة يمكن نفتح الكتاب نذاكر … واللى تحط راسها تاخذ قسط من الراحة وتنام ،، نسوي قروب بالارض ونجلس واحيانا تجلس المدرسة على راسنا وتقول لنا اسكتوا حصتين ساكتين ،، او تفتح الدواليب وتقول ساعدوني بالترتيب والتنظيف ….. وبس ..!!

سؤال :-

قد مرة وقفت المدرسة وامسكت الطبشورة او القلم السبورة وارسمت كيف خطوات الرسم ؟؟؟

قد مرة قالت المدرسة عدلي الرسمة يامضيعه رسمتك مو مرتبة ؟؟

قد مرة المدرسة قالت ان تدرجات الالوان مو مناسبة ؟؟

بالمرحلة الابتدائية كانت المعلمة كبيرة بالعمر مررررررررررررة ويالله تمشي وتسحب رجلينها وكان الشيب راح يغطي شعرها كلة،، تدخل الفصل وتقول يالله يابنات ارسمولي سلة فواكة

>> كل سنة كل سنة نرسم سلة فواكة

كل سنة نرسم سفرة رمضان

كل سنة نرسم طاولة وفيها مزهرية داخلها ورد

وكل سنة نرسم حديقة وفيها ورد واشجار

وكل سنة نرسم مسجد

كل سنه نرسم نفس الرسم ولا حياة لمن تنادي

~{ هامش :-

مدرسة الرسم في الابتدائي ادخلت الفصل وقالت ارسموا سفرة رمضان لاتسون السفرة صغيرة ابيها كبيرة والسمبوسة راهيه انا جوعانه ابي اكل وحطولي على جمب السفرة (جيك بيمتوا ) >> يعني فيمتوا ،،،

وطلعت من الفصل المدرسة وخلت فوق 40 طالبة بالفصل لحالهم ،، رحنا البنات طلينا علينا بالمكتب اللى قدام فصلنا لقيناها نايمة وتطلع نغمات موسيقية من التعب ” يعني تشاخر ” … طيب وش ذنبنا احنا طالبات جاين ندرس ومدرستنا نايمة ماتعلمنا سهرانه وكل علامات التعب باينه على وجهة ..

نكمل الحديث ..

- المرحلة المتوسط المعلمة مو فاضية كل تشتغل بالممرات وترسم لوح كبيييييييييرة ماشاء الله تبارك الله رائعه (( لها مشاركات كثيرة في معارض الظهران )) ،، والمدرسة كارفينها كرف وذابحينها بس تيجي وتقول ( بناااااااااااات ارجعوا الفصل مابي اشوف احد واقف عند الباب مابي اسمع صوووتك طالع ) واهي تلبس البالطوا الابيض وجهة وملابسها ملطخه بالالوان الزيتيه وريحة الدنيا كلها الواااااااااااااان وبانزين مادري غاز مادري شنو اللى يطير الالوان المهم ماعلينا ..

من المرحلة التمهيدي الى الان الان يعني الان ….. وانا وش كبري ، البطة الى تقول (واك واك ) ارسمها نفس ما اهي ما اعرف ارسم بطة بشكل ثاني نفس اللى علمتني ماما بالبيت ارسمة …

اما الكوخ والشجرة اللى علمتني اختي “ضايعه ” لين اليوم ارسمة ما اعرف ارسم غيره ولا اتوقع ان الكوخ راح يتطور ولا الشجرة بتكبر وعش العصفور اللى فوق الشجرة ماتغير عن مكانه ..

حتى القطوة ( البسة ) ارسمها بطريقة مضحكة ،، ماقدر اغير الرسمة هذا اللى علمتني امي …

.. رسمت هذي السمكة اهداء الى اهل الشرقية

برايفت حق اهل الشرقية بس >> وش تتوقعون نوع هالسمكة ( هامور ، حمام عربي ، كنعد ، صافي ….الخ ) او نوع لم يكتشف الى الان في قاع البحار :p

التفاحة ماعرفت ارسمها الا لما اخذت دورة بالصيف اساسيات الرسم وماكانت الدورة بهذيك الروعه والجودة بس تعلمت منها شغلات لا بأس بها …

:

:

الطفل مستحيل ينسى شئ تعلمة وهو صغير ويبقى في ذاكرته لين مايكبر ، بس للاسف الكل يستهين بالطفل ويحسب انه مايفهم ومايعرف .. ويقولون :- اذا كبر يتعلم ..

** يحق لنا ان نعاتب المعلمين والمعلمات على عدم الذمة والضمير في التعليم والتعلم ..

شكرا لك من مسك الالوان وعلمني كيف ارسم ولو بالقليل حتى اعبر عن فرحتي وسعادتي وانا ألون

شكرا معلمتي ( سوسن ) ،، وشكرا معلمتي ( أمينه ) ،،، وشكرا معلمتي ( بدرية ) …

شكرا ماما .. شكرا اخواتي واخواني

- اضغطوا على الرسمات على شان تشوفونها بشكل اكبر >> من حلات الرسمة تشوفونها بشكل اكبر :d

ملاحظة : الضحك مسموح ولكن لايتجاوز الثلاث اسطر :d