εìíз تهزئنا واحنا مالنا دخل

(( هذا البوست بالتعاون مع أختي ضايعه، في حديث الليل وانا بغرفتها وتذكرنا القصة وبدينا بالضحك وطلبت مني انزل الموضوع في مدونتي ،، لم اكن اتوقع ان اسرد هذي القصة التي اخفيها من سنوات امام الجميع في مدونتي المتواضعه ))

** وعلى فكرة الضحك ممنوع >> :d

في عام 2001 او 2002 م ، والله ماني ذاكرة السنة بالضبط .. بس اتذكر انى كنت بالصف (الثالث متوسط ) .. كان يوم الجمعه والطفش واصل لين راسي انا واختي ،، وكل ما اتصلنا على احد من بنات خالي او خالتي نحصلهم طالعين ومافي الا انا واختي مجابلين بعض وانا كنت ابي اطلع احس اني بنفجر من جلست البيت …

(( وزي ماقتلكم من قبل ان ابوي وامي الله يطول بعمرهم ويخليهم يكرهون شئ اسمة طلعه ومجمعات وزحمة ناس لهذا السبب ضريبتي انا واختي الجلوس بالبيت ))

طرقة باب غرفة ابوي بكل ادب وانا اقولة : بابا ممكن اكلمك

بابا : ايوة يا بابا ادخلي ..

انا : بابا بليييييييز الله يخليك نبي نطلع اي مكااااااااان ايييييي مكان خلاص بموت من الطفش حتى لو نفر بحينا ونرجع ماعندي اي مشكلة ..

بابا : وين تبغون تروحون بهذا الوقت يا بابا ..

انا : اي مكان اي مكان والله مابنتشرط ..

بابا : طيب انا جوعان نروح نتعشاء برا ؟

انا : ايوووووووووووووووووووووة

بابا : بشرط امك تيجي اذا امكم قالت ماتبي تطلع ترا مافي طلعه ” ياويلي امي مستحيل تطلع هذا طلب تعجيزي “ الشرط الثاني من الان تختارون اسم مطعم مو لما نركب السيارة تجلسون تفكرون ..

طبعا وقتها اتوقع ان صار عندي جناحين وبديت اطير من الفرحة وانا اقفز باطراف قدمي لين غرفة اختي واقولها ضايعه بابا بيطلعنا لازم نختار مطعم ولازم ماما تيجي ،، طبعا اختي ماصدقتني من الفرحة وركض عند ماما ونجلس نترجها والحمدلله وافقة ولا اتذكر كيف وافقة .. ( باقي اختيار المطعم )

لمدة دقايق بسيطة ، الا بابا يدخل غرفة اختي ويقول يللة وش اخترتوا مطعم ؟؟ ،،

انا واختي بس نبي نطلع ( اي مكان يا بابا )

بعد تفكير ومشاورات بابا كان مشتهي المطعم الصيني وطبعا مستحيل بنقول لا المهم اي مكان والله كنت موافقة حتى اروح (مطعم دارين ) للاكلات البحريه ماكان عندي اي مانع وقتها …

ركبنا السيارة والحديث كان ممتع ،، وماندل الصيني اللى بالدمام ومانعرف الا اللى بالراشد ..

” امي وابوي اول مرة يدخلون مجمع الراشد ( تاااااااان تاااااااااا تن سمييييييد تاااااان تااااااان سميييييييييييد )

الحمدلله ياجماعه …!!!

قولوا الحمدلله ..

قالت اخت ندخل من باب محل بي اتش اس ونركب المصعد وعلى طول الدور الثالث ،، كان داخل المحل فية امريكان وناس مهذبة وهدوء ويشترون والمحل مرتب ابتسامة ابوي كانت واضحة والرضى باين عليه

ركبنا المصعد وفجـــــــــــــــــــــــاءهــ

يركبون معانا 3 بنات ..

عبايتهم كانت مزخرفة من فوق لين تحت ،، المكياج ملونين وجهم وكانها كراسة رسم ،، وريحة العطر احشرة المصعد ،، والضحك والمصخرة على الاخر ..

فاصل من ضايعه (هوووو هييي هووووو هااا هوووو هييي ) >> تقول انها ضحكت البنات لما اركبوا المصعد خخخخخخخ:d

اول ماانفتح المصعد بابا :- وش هالبنات وش هالقلة الادب وايش هذااااااااااااااااااااا >> الحمدلله لم يكثر من التحلطم لان المطعم جهة اليمين ولازم ندخل قبل الزحمة :d

* جلسنا داخل المطعم الصيني الظاهر اذا ماكنت غلطانة من الساعه تقريبا (9 – الين قبل الـ 11 بكم دقيقة ) …

طلعنا من المطعم والظلام بدا يحل على مجمع الراشد ونفس الطريقة اللى دخلنا منها طلعنا بس اختلف ان المحل بي اتش اس ، سكر ابوابة وكان لازم نطلع من احد ابواب مجمع الراشد الموجودة ..

مشينا داخل المجمع والحمدلله كل شئ سليم وعدد الناس كان قليل ،، وصلنا لين الباب وانفتح الباب وطلعنا انا وامي واختي وابوي ،، ابوي كان يقول تتذكرون وين وقفنا السيارة نسيت كم رقم الموقف ….!!!!!

واحنا نمشي بنروح لين السيارهـ

والساعه تشير الى (11 من الليل ويوم جمعه ليلة السبت )

وحدث مالا نتوقع حدووووووثة

الا يمرون مجموعه شباب بسيارة والاغاني تصرخ على كبر الدنيا ، وفجاءة

يطلع واحد من الشباك ويصرخ في وجهنا ويقول ( واااااااااااااااااااااااااااااع ) …

- نقزنا كلنا من الخرعه لان فجاءة صرخ والشارع ظلام :s

صرخ ابوي وقال امشوا قدامي بسرعه ….!!!!

وشوي يمرون 4 شباب يمشون برجلوهم ولابسين تي شيرتات (حفر) والشورت ، والحاله حاله

وشوي سيارة ثانية والاغاني تصرخ وفيها اثنين متلثمين وفاتحين الشباك ويرقصون >> اكيد يرقصون اجل وش بيسون ..

وشوي الا تمر السيارة الثالثة ، والرابعه >> وكلهم شباب مصخــــــــــــــــــــرهـ بما تعنية الكلمة ..

:

:

اشتعلت النيران بداخل والدي وبدات معالم الغضب على وجهة ….!!!!

ركبنا السيارة ومن مواقف السيارات بالراشد اليييييييييييييين طريق الدمام ولين مادخل بابا السيارة داخل كراج المنزل

وهو يهزء فينا انا واختي وامي وكاننا احنا اللى مربين الاولاد وتاركينهم بالشارع ،، او احنا قايلين لهم تعالوا ورقصوا وسواو هالمصخرة

بدا التهزيئ المستمر ومن التهزيئ كان يقول

- حرام ذوووولي من شباب الوطن

- حرااااااااااام ذولي ينحسبون من الرجال

- خساااااااااااارة فيهم التربية

- الحين تحصل ابوة مطوع وامام مسجد وولده صايع وضايع ويسوي كل هالمصخرة

- انا ابي افهم وين اهلهم مايربون اعيالهم ومايدرون عنهم ..

…………………………………….الخ من المحاضرة اللى سببت صممممممممممممت ولا وحده افتحت فمها بربع حرف ..

واول مادخلنا البيت لفت على اختي قالت لي ( قسم بايات الله لو تقولين المرة الجاية نطلع مع ابوي صطرتك ، اخر مرة نطلع مايسوى علينا طلعت الطلعه من عيونا ويهزئنا على اعيال الشوارع واحنا وش دخلنا فيهم نتهزء على شان حضرتهم )

واقل من خمس دقايق تدخل امي الغرفة عندي انا واختي وتقول ( ان قلتوا المرة الجاية نطلع اماكن زي كذا ياويلكم وفيها هالقلة الادب )

انا واختي : وش دخلنا احنا بعيال الناس نتهزء على شانهم والله اهلهم مو مربينهم واحنا نتهزء كل هالتهزيئ ، وحضرتهم بالشارع فرحانين واهلهم ولا دارين عنهم ويطيح براسنا …

- اتصلت اختي ام عبدالرحمن وتسئل عن الطلعه كيف كانت ولما قلنا لها عن التهزيئة قالت : يؤؤؤؤة يؤؤؤة ماتسوى عليكم هالطلعة لو جالسين بالبيت احسن لكم ..

اليوم الثاني ضايع اخوي يقول ها شخبار الطلعه امس ؟ .. ( قلنا له ان ابوي هزئنا على شان اولاد الشارع وانهم مش متربين …………….الخ من محاضرة ابوي ) ضايع يطالعنا بعيونة وعلامات تعجب في وجهة ويقول لا معقولة تمزحون ،،و الا فجاءة ضايع ينفجر من الضحك ويضحك وماقدر يكمل من التعليقات وقال اجل الطلعه اطلعت من عيونكم :d ،، قال اخر مرة تودون ابوي مجمعات مايصلح ..

:

* وكان درس لنا انا واختي ضايعه ان مانفتح فمنا ونقول نبي نطلع ، وجلست البيت تساوي مليون طلعه بالدنيا

اختي ضايعه ، قالت القصة حق خطيبها وكانت ردت فعلة انفجارة من الضحك وهو يقول احد يودي عمي المجمعات او الكافيهات ، عمي مايصلحله الا جلست بحر او اماكن شعبيه او كشتات …

لم نخرج مع والدي ابداااااااااااااا ولا نطلب طلعه

ولكن ……!!!

ولكن ……!!!

بعد هذي القصة بسنتين ونص طلعنا مع ابوي وامي وياليتنا ماطلعنا ،

اما القصة الثانية ما اتوقع اني بسردها الا بعد سنتين او عشرين سنة:) >> مو اسلوب تشويق لا تخافون