εìíз الاطفال يعبرون عن شعورهم !!

لن اكتب لكم اليوم عن مكالمة والدي ..!!

ولن اتحدث لكم عن انتظاري حتى يتصل ..!!

ولكن :  ( عندما سمعت صوت الأذان الظهر فقدت الامل انه راح يتصل وفجاءة يرن الجوال ورقم بدون اسم  ، اول مرة ارفع جوال مضيع واقول ” اهلا بابا “ وبقوة وحماس ..!! كان المفروض اتاكد مين المتصل، ولكن الحمدلله انه كان صحيح بابا ) …

:

الاتصال لم يتغير كما هو ، لانستطيع معرفت الكثير عن اخبارة …!!!

ولا نسيتطع ان نخبره عن اخبارنا بالتفصيل …!!

كل المكالمة : بابا كيف حالك ؟،، واحنا بخير وطيبين !!!…

( ومضيع يقول لاتصيحون تقطعون قلبه ، والسماعه لازم تنتقل بين يد الجميع ……الخ والحديث محدود  )

:

كل مرة لما امسك سماعة الجوال واسمع صوته دموعي تسبقني في الحديث  ” اتذكر كيف البيت من دونه ماله اي طعم وشين مرة ، اتذكر انه كان من بينا وفجاءة اختفى عن عيونا ، اتذكر ان عمرنا يوم من الايام ما توقعنا اننا بنفقده بهذي الطريقة ، افكر بالايام اللى مرت بدونة كيف صعبة ومتعبة …” :(  ولكن ….!!! اليوم كنت شبة بطلة حاولت ان اتمالك نفسي ..

وكنت اضحك فرحانه لانه اتصل وانا تخميني كان خطأ ،، ومن فرحتي قلت له : بابا انقطع قلبي توقعتك ماراح تتصل

هو : وانا اكثر يا بابا جالس اقولهم بسرعه بسرعه عطوني التلفون ابغى اتصل كنت عارف انكم تنتظرون ..

:

:

*اليوم اول مرة يحضر ولد اختي ( عبدالرحمن ) ، (( بيروح صف ثاني ابتدائي )) ..، يوم المكالمة بالعاده يكون بالمدرسة ولا مرة حضر واحنا نتصل على ابوي ..

دحومي دائما يسئل امه وامي ، وين جدي ؟؟؟ لية مانشوفة ؟؟ وينة ؟؟ ومتى راح يرجع …………الخ

من الاسئلة اللى يسئلونها اكثر الاطفال لما يجون زيارة لبيتنا  ..

وكان ردنا دائما ” انه مريض بالمستشفى و ممنوع الزياره  ” ..

اليوم جلس عبدالرحمن ويشوفنا واحنا نكلم ،، سئلته اختي “امه ” تبي تكلم جدي يا عبدالرحمن ؟

كان منسدح على الكنبة ويتفرج وعلامات تعجب فية وجه ، قفز من مكانة وقال اي ابي اكلم ورمى لعبتين كانوا بيده

ركض لين عند الجوال كان بيد ضايعه تكلم ابوي ،، خذ الجوال عبدالرحمن وامة تسئلة وش بتقول له ؟؟ ..

مسك عبدالرحمن سماعة الجوال وقال : الو جدي  ,,

وينك انا من زمان ماشفتك …؟؟؟

————

اللهم اني استغفرك لكل ذنب يرد عنك دعائي ويقطع منك رجائي .. ويطيل في سخطك عنائي ويقصر عنك أملي ..

اللهم اني استغفرك لكل ذنب يميت القلب ، ويشغل الكرب ويشغل الفكر ، ويرضي الشيطان ويسخط الرحمن ..

اللهم اني استغفرك لكل ذنب يعقب اليأس من رحمتك والقنوط من مغفرتك . والحرمان من سعة ماعندك ..

اللهم اني استغفرك لكل ذنب يدني الآجال ويقطع الآمال . ويشين الأعمال ..

اللهم اجمعنا بوالدي عاجل غير اجل

اللهم فك اسرة

اللهم فك اسرة

اللهم فك اسرة

اللهم فك اسرة

اللهم فك اسرة

اللهم فك اسرة واسر كل المسلمين يارب العالمين