لا اخفي عليكم ان هذي الصفحة تحمل لي الكثير وهذا المكان احببته من كل قلبي .

ولكن الان سأرحل من هذا المكان وانتقل ..

اصبحت الصفحات مليئة بالكتابات والذكريات ” المفرحة والمحزنة ”

اشكر لكم تواجدكم في صفحتكم..

:

سوف اغلق الباب خلفي  وهذا اخر ما اخطه لكم

واتمنى ان تكونوا معي …

(( جمعنا الله واياكم بالدنيا على المحبة والخير ، وفي الاخرة بجنات الفردوس الاعلى ))

أختكم في الله :

مضيعه بيتهم ..

سبحانك اللهم وبحمدك اشهد ان لا اله الا انت استغفرك واتوب اليك

كنت دائما اضحك مع وحده من بنات خالي واقولها نحتاج خدمة بالجوال زي خدمة  ( البلوك بالماسنجر ) شخص واحد تحطين عليه حظر وتفتكين من اتصالاته وطبعا الخدمة راح احطها لك ” طبعا كنت امزح معاها ”

الان…!!!

موبايلي توفر لكم هذه الخدمة 

مع موبايلي انا على راحتي

مع خدمة ” راحتي ” لا مجال للإزعاج …

(( اذا ازعجك اتصالهم امنعهم من الاتصال فيك مرة ثانية ضعهم على “قائمة الحجب ” عن طريق الاشتراك في خدمة ” راحتي ”

كل شخص تضعه في قائمة الحجب عند اتصالهم بك راح يحصل على ” مشغول ” غير متواجد حاليا لا يمكن الاتصال به .. او رسالة تؤكد له ان رقمه محجوب تحكم باتصالاتك وتمتع براحتك مع خدمة راحتي

** والله ياجماعه خدمة ولا احلى   ،، واللى ما حول الى موبايلي مسكين :d

طريقة تفعيل الخدمة :-

- ارسل “راحتي ” في رسالة قصيرة الى 1100

- او اتصل 1100 واطلب الخدمة

- او قم بزيارة موقع موبايلي ،، اذهب الى “خدماتي” واختر خدمة ” راحتي ”

وكل عام وانتم مرتاحين مع موبايلي …;)

قد تكون هذي الخطوة ناجحة حتى اجد منزلي وهي متابعتي للاعلانات التجارية ..

انا من الناس اللى كنت ” كنت فعل ماضي ذهب ورحل ومات “ احب شئ اسمة دعايات ، تجذبني الالوان والتصاميم والافكار احس انه شغل ممتع بصراحة بأستثناء نوع المنتج اللى يعرضونة ..

لكن الان الدعايات قمت السخافة والبياخه وعلى قولت الوالده الله يخليها ( قلت ادب ) ودائما امي تقول ( ابي افهم لية لازم يحطون حريم يعني مايصير الدعاية بدون حريم :d ) وكلامها صحيح لية مايسون الدعاية بدون حريم والله بيكون مره حلوة في افكار كثيرهـ ..

طيب ماعلينا منهم كيفهم اهم ودعايتهم …!!

كنت اتابع برنامج ودائما الفاصل الاعلاني دعاية (كريم فازلين )

والبنات يطيرون وينقزون لما يستخدمون الكريم بصراحة تحمست انى اروح السوبر ماركت على شان اشتري هذا الكريم ، وكل مرة يعرضون الدعاية وانا اقول لازم اشترية ..

رحت واشتريته وانا فرحانه وافكر اني راح اطير زيهم وملمس ناعم وخرابيطهم الزايدهـ ..

والله العظيم ياجماعه

والله العظيم

ان الكريم لما حطيته بيدي وخلصت جيت احرك شعري باصابيعي ،،، اصابيعي ماتدخل بشعري صارت يدي جااااااافة جاااااااااااااااااافة يعني جفااااااااااف لدرجة ماتتخيلون خفت ان شعري يتقطع ..

ولازم اغسل يدي بالماي والصابون على شان ترجع يدي ملمسها طبيعي ..

وما يمر 10 دقايق الا تحس بجفاف غير طبعي يجيب الهم …

والكريم احس زايدين ماي لانة ما كانه كريم ابدا   مجرد ماتحطه بيدك تشعر بالجفاف الصيف

وصرت امشي واقول لحد يشتري كريم فازلين لحد يشتري كريم فازلين ،، وكل ما اشوف الدعاية اقول شلااااااااااخين بس تقصون على الناس واغير القناة ..

———-

اما دعاية زينب العسكري مع الكريم الازرق للشعر مادري وش اسمة

لفت نظري ان الدعاية بلهجة مصرية والناس يجون يسئلونها كانت فكرتها مرة حلوة وتضحك قلت خلاص يا مضيعه روحي واشتري الكريم ،، ما مر اسبوع الا احصل الكريم موجود بغرفة اختي ضايعه وناااااسه

بدون اي استأذان اخذت الكريم وجبته غرفتي على شان استخدمة لشعري >> LooooooL

قلت حق ضايعه تراني اخذت الكريم من غرفتك ولاتتوقعين اني ارجعه ما راح ارجعه لك :d ،، قالتلي عليك بالعافية مايسوي ولا شئ ..

انا ماصدقتها ولما فتحت العلبة حصلتها جديده ضايعه ما استخدمتها وش القصة …!! ؟؟

طلع ان الاخت ضايعه من البطرة الزايده مشترية علبتين وخلصت علبه وهذي الثانية واكتشفت انه مايسوي ولا شئ ..

وكان كلامها صحيح 100% الكريم ما يسوي ولا شئ ولا كان حاط شئ بشعرك بس ريحته اللى تفقع الراس ..

————-

لم تنتهى مغامراتي مع الاعلانات التجارية …

- انا من عشاق الشاي احب الشاي ولا اعرف ما هو السر ” يمكن يكون وراثة ” لان ابوي وجدي وعمامي من عشاق الشاي ..

كنت اشوف بقناة mbc دائما دعاية شاي ليبتون ” علامة الذوق الرفيع “

وكانت الدعاية لشاي ليبتون “بالليمون والنعناع ” حق ليبتون الجديد ، وكان في ولد يدور بالكرسي بعد مايشرب شاي ليبتون بالليمون

رحت السوبر ماركت مع امي وعلى طول اخذته وحطيته بالعربانه لان اكييييييييد بيكون لذيذ وانا احب الليمون

اوكي ياجماعه رجعنا البيت ونسيت اني اشتريته ولما شفت الدعاية بعد مايقارب الاسبوع تذكرت ان تحت في عندنا زي هالليبتون بالليمون ..

نزلت المطبخ وسويت لي كوب ماي حار واضفت له ليبتون الليمون وركبت لين غرفتي واخذت الاب توب حقي وافكر اني راح ارقص زي الولد الى بالدعاية

بالاخير الا اشم ريحة ( لوكس ) صابون لوكس حق غسيل الصحون ياربي من وين جاية هالريحة ليكون الكوب ..!!!

وبالاخير الا ريحة الشاي ليبتون بالليمون

لما شربته وطعمة كانه عصير ليمون شراب مضاف لية رائحة لوكس بالليمون لغسيل الصحون

ولما تشربة تحس اسنانك تحتك في بعضها ..

ومو لذيذ ابداااااااااااااااااااااااا ..

قلت اكيد انا سويته بطريقة مو لذيذة خليني ابتكر ابتكار اخر

حطيت دلة فيها لبتون العادي وواحد من اللبتون الليمون والطعم كانه لوكس بالليمون لغسيل الصحون ..

:

:

تتوقعون راح استمر في شراء بعض المنتجات من الاعلانات التجارية …!!!

ولكن تأكدة ان كلام امي صحيح لما تشوف الدعايات وتقول والله كل يقصون على الناس الظاهر لماما قصص مع الاعلانات التجارية زي حال بنتها الان

]]> http://mbet0hm.wordpress.com/2008/06/18/d3ayh/feed/ 9 مضــيعــهـ بيتهمـ http://mbet0hm.wordpress.com/2008/06/18/book-3/ http://mbet0hm.wordpress.com/2008/06/18/book-3/#comments Tue, 17 Jun 2008 22:40:30 +0000 mbet0hm http://mbet0hm.wordpress.com/?p=609 ]]>

الكتاب اللى اشتريته من معرض الكتاب
حوار مع جدتي
للكاتب: ابراهيم الجوف

عدد الصفحات : 249

السعر وان شاء الله ما اكون غلطانه : 25 ريال

:

توقعت الكتاب احلى من كذا ، بس مع هذا الكتاب حلو ومضحك بعض الشئ
الكتاب كلة يتكلم الكاتب عن المصطلحات القديمة ويجلس مع جدته ويسئلها عن كللللللللللللل شئ
ادوات المطبخ ، وصف البيت ، كيف كان عرس ايام زمان ، الاكل وانواعها ، الناس والحياة والثقافة …………الخ

طبعا يكتب الكاتب كلام جدته ويبدا بترجمة المصطلحات ويوضحها هذا اكثر شئ مضحك

::

( اصبر يا وليدي ، طول بالك علي ، ابوي هو الي يعرف الناس ، وأنا شيعرفني بها المسائل ؟ )

وأقول : ( ولكن يمة انتي الي بتتزوجين مو أبوك ، صح يمة ؟ )

وترد : ( الله يهديك يا وليدي كل شئ تحط فية نون خل الدنيا تمشي ، احنا يا وليدي مانفكر كثير في هالشياء نبقي الستر والعلم الزين )

::
بس انا طفشت لاني كل الكلمات اعرف معناتها ولا هي جديده على الا بعض الكلمات

- هدف الكاتب من هذا الكتاب ان ابنائنا الجيل الجديد يعرفون المصطلحات القديمة وكيف كانت عيشت اجدادهم ولان راح تختفي مع الزمن وحب يجمعها في هذا الكتاب الفكرة حلوة بالعكس وكثير من الناس مايعرفون هذي المصطلحات ..
وهذا الكتاب يصلح لكل شخص بيجي يسكن في احد دول الخليج او بالمنطقة الشرقية
يتعلم اللهجة الشرقاوية الغريبة على قولت البعض ويتثقف >> امحق ثقافة بس ..

تعرفون وانا اقرا الكتاب والمصطلحات جات في بالي فكرة اني اكتب كلمة من الكلمات القديمة واخليكم تدورون على معناتها واللى يفوز يحصل على جائزة ،، لان نسبة قليلة اللى يمكن يعرفون المصطلحات

اتوقع الكاتب جدته اصلها من البحرين ما اتوقع انها من الاحساء لان بصراحة الكلمات والمصطلحات ما اتوقع انها عند اهل الاحساء ..

::

( يا وليدي اذا طاح الرطب أول مانبشر برطب ” الطيار” وبعده رطب ” الغر ” وعقبهم ” المجناز ” وراه ” الخلاص ” ومن وراه الأنواع الثانية مثل : التناجيب وأم ارحيم و الرزيز والخصاب والهلالي ……………………. )

::

( الحج يا وليدي قصة طويلة في وقتنا الرايح مفقود والراجع مولود مو مثل حجكم اللى تتكلمون عنه ، هالايام تشنك رايح السوق ، انا مسامحتك خبر عن حجنا باللي تقدر عليه ، ولاتنسى سيارة أول ” الدمنتي ” و ” الماك ” و ” صوقة ” الحج للجهال وتعب الحج ذاك الوقت )

::

( يا ولدي أنا اسمع منك أن فلان مثقف اذا كان مكلماني ، وعنده فصاحة ، ويقدر يقنع غيره بكلام مؤدب ويقرا ويكتب ، ولازم تكون أخلاقه زينة ومو مغرور بنفسه ، ويحترم والديه )

::

( أجل انت يا ولي تعلمت انجليزي ؟ )

طبعا يمة يرضيك اخلي اشعيط وامعيط يطنزون علي ،، على فكرة يمة منهو اشعيط و معيط ؟؟

فترد : ( انت توهقني كل مرة أزيد من الثانية ، أنا اشعرفني منهو اشعيط و منهو امعيط ، انا مولدتهم ؟ )

فأرد : ( فكرت يمه انهم جيرانك ………………………)

::

—————

في شئ استفدت منه وجلست اضحك لمدة يومين متواصلة ولما اجي انام واتذكر اضحك اكثر ، انى دائما اقول لية عروس ايام أول كانوا يحطون العروس في سجادة ويشيلونها الحريم يعني يبغون يسون حركات بس مايعرفون ؟؟؟،،

الا كتب الكاتب بالكتاب ان السبب انها تستحي تمشي على رجولها لهذا السبب يحطونها بوسط سجادة ويشيلونهاLooooooL

::

- لا انصح سكان الشرقية ومملكة البحرين وقطر والكويت بقرأت هذا الكتاب ، لان ما شاء الله اللهجة لحالها ماتحتاج لزيادة ثقافة ولكن انصح جميع سكان المملكة والدول المجاورة بزيادة معلوماتهم ويزيدون ثقافتهم

]]> http://mbet0hm.wordpress.com/2008/06/18/book-3/feed/ 16 مضــيعــهـ بيتهمـ كتاب �وار مع جدتي http://mbet0hm.wordpress.com/2008/06/17/here/ http://mbet0hm.wordpress.com/2008/06/17/here/#comments Tue, 17 Jun 2008 20:54:32 +0000 mbet0hm http://mbet0hm.wordpress.com/?p=617 ]]>

كنت افكر وش انزل بوست ،، ابى اتخلص من البوستات المحبوسة في مدونتي

عندي الكثير الكثير من البوستات

لهذا السبب قررة قرار اتمنى ان لا يكون فاشل

ان كل واحد يتابع مدونتي ويدخل وحتى لو كان من المتابعين وليس من اللى يعلقون دائما انه يترك تعليق ..

والخدمة بس اليوم ولا اعرف ان كنت راح اكررها بعد شهور ..

::

راح اكتب عناوين بوستات محبوسة في المدونة،، وكل واحد يختار عنوان اللى يعجبة

واكثر العنوان اللى بشوفة متكرر راح انشر هذا البوست ؟؟

اما باقي البوستات اللى ما راح يحالفها الحظ بالتصويت تبعكم راح يتم حذفها ويمكن اخليها تجلس بالحبس لين ما ربي العالمين يفرج عليها …!!

نبدا ونقول بسم الله :-

# ليتني شجرة في منزلنا ..

# مضيعه والدعايات التجارية .. (( تم النشر ))

# ليلة عيد الفطر 1428هـ ..

# تخصص مرسيدس الجديده ..

# مجرد نصيحة ..

# بلوك ..

# مضيعه تيجين معاي ؟؟ >> ترا البوست طويل

# المرأة او الرجال ..؟؟ >> هذا البوست راح يكمل 4 شهور

# قصة لا أحب ان اسردها ؟؟

# كنت من متابعين البرنامج الساقط ..

# من باب الادب لا أكثر ..

# تحبيب الاطفال بالمستشفى ..

:

:

وباقي بعد بوستات بس هذولي انا ناوية احذفهم فأختاروا منهم ..

———

تحديث (1)

اشكركم على التفاعل الرائع

راح اكمل المسيرة في بيتي الجديد

لا بصراحة اليوم بدخل موسوعه غينيس من الواجبات اللى تتحاذف ،، اكيد اكيد هالواجبات الكثيرة بسبب الغبار

ياجماعه اكثروا من الاستغفار ..

هذا الواجب رقم 18 اللى احله بمدونتي ترا راح اقدم على تقاعد مبكر لما اوصل للرقم 20

:

:

وانا بالماسنجر اسئل افياء وش سوت بالاختبار اليوم

الاتقولي : (( afyaa: ماشاء الله نازلة تحلين واجبات الناس وتركتي واجبي ))

ولاتزعلين يا افياء والله ما انتبهت والان بحل الواجب ..

الواجب من المضيعة العزيزة والغالية : أفياء ..

قامت بتمرير الواجب بطريقة خاصة وفي احد المواقع والله لو ادري ان حتى بالمواقع الثانية تتمرر الواجبات علينا كان ما سجلت >> اطلعي يامضيعه لا يجيك واجب ثاني ..

كنت في البداية في البلوق السبوت بعد ماضيعت الباسورد وفتحت مدونة من جديد كانت امنيتي ان مدونتي تكون مشهورة ويجون ناس كثير يعلقون عندي واستمتع بتعليقاتهم ويضيفوني بالقائمة الجانبية لمدوناتهم،، ونصحني اخوي مضيع اني افتح مدونة بعد ماكنت مضيعه في عالم السبيسات والمنتديات ” هو للحين ماصار خمس سطور وش اكتب “ وبعدين وبعدين وبعدين انزين انزين طيب “على شان يصير خمس سطور بسرعه “ نصحوني الله يجزاهم خير اني انتقل الى عالم الرخاء والراحة الورد برس ، انزين وبعدين فتحت موقع يعلم الناس التدوين اللى كنت اتمنى احصل مثلة على شان اتعلم كيف افتح مدونة بدون مساعدة مضيع ، كانت بداية صعبة والان ممتعه .. ،، كم اني افكر متى راح احصل بيتنا وانتهي من هالمسيرة الطويلة ..

عمري التدويني سنتين الا شهرين

س3/ ثلاثة أشياء تجعلني أحرص على الأستمرار بالتدوين ؟؟

1- انه متنفسي الوحيد ..

2- تبادل الارائ والافكار مع الاخرين ..

3- تعبت وانا افكر وش النقطة الثالثة قلت اتركها للزمن

س4/ ثلاثة أشياء أكسبني إياها التدوين ؟

1- حب القراءة ..

2- أخوات رائعات ..

3- اخبار العالم وشغلات كثيرة ما كنت اعرفها و غيرها ..

:

راح اقوم بتمرير الواجب

المضيعات :-

يلو تاكسي - اسراء- انتروبي -

devotion- روز – ماي هديل- شدا

ميس ليان - الجوري – بنت الروح- جوري

بسمة – شموخ – حديث الدجاج - مي - قطر الندى- عيون الحب -

wema- فوتون – أوركيد - ايانق – أماني - نوف- هذيان - عاليه- ارتواء-

ام محمد -نور الظلام -

المضيعين :-

يوسف منصور -extraVadanza

أيام – رادار – عبدالمجيد -ياسر متبولي-مساعد – مجرد سؤال

حكايتي والزمن – ابو لارا - حسن الشيخ - راكان - سعيد -ابو مروان

طير يرقص – فواز- بدر الشيحه – بندر رفة - باغي شهادة -الناقد- جدار العار -

مشغول من كثر الفضوة - أرطبون- ابن الشمال – عبدالله الثاري-خالد86

- حرباز- صارخ بصمت- سامي منصور- سم ون

كل المحمدات >> -محمد – محمد – محمد – محمد

——-

ملاحظة هامة جدا :-

لحد يدعي على تكفون انا مالي دخل الواجب تم تمريرة على وانا مررته اللى يبي يحل يحل اللى مايبي كيفة

والمضيعات الحلوين لحد يهزئني بالماسنجر والله انا مظلومة >> اكسر الخاطر صح

الواجبات تتحاذف وش كثرها مادري وش القصة الظاهر بسبب الغبار

:

قوانين الواجب :

1 – أذكر اسم من طلب منك حل هذا الواجب.

2 – أذكر القوانين المتعلقة بهذا الواجب.

3 – تحدث عن ستة أسرار قد لا يكتشفها من يقابلك للمرة الأولى.

4 – حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.

5 – اترك تعليق في مدونة من حولت الواجب عليهم، ليعلموا عن هذا الواجب

الواجب ممرر من فيصل آل مخلص ،، جدار العار

الواجب أن أقوم بكتابة ستة أسرار لا يعرفها عني من يقابلني للمرة الأولى أو بشكل أخر يمكن القول قد لا يتوقعها فيني من يراني للمرة الأولى ، أي قبل أن أنطق لأنه كما قال الإمام علي بن أبي طالب كرم الله وجه لا زلت أهاب الرجل حتى ينطق .

ج1 / طلب مني حل هذا الواجب المضيع فيصل ـ والمضيع أسامه >> لازم جواب نموذجي ع شان العلامة

ج2/ تم ذكرها بنجاح .

ج3/ ” صعب بصراحة وحاولت افكر واجمع بس بدون فائده وهذا اللى توصلت له “

1- لدى طاقة كبيرة جدا ” قولوا ماشاء الله “..

2- اكرهـ النوم الصباح ( حتى لو كنت سهرانه الليل كلة لازم اصحى الصباح بدري وارجع انام الظهر مو مشكلة )

3- اكره اجامل الناس اللى ما تستاهل المجاملة ..

4- اعيش في منزل رائع بين أم و أب مثالين ، واخوان واخوات لا يقدران بثمن ” ليست مجاملة ولكن ماشفت اسرة رائع زي اسرتي “

5- صعب اوصل مشاعري للشخص اللى اشوفة اول مرة وابين له مثلا مدى اعجابي او كرهي لة ..

6- النقطة السادسة مادري كيف اوصلها لكم ( بس لما اجلس مع احد اتكلم وحدثت معاي كثير جدا يقولون لي تصدمينا من اسلوبك وتفكيرك ما نتوقع انك تفكرين كذا واول شخص قالها لي وصدمني هو أبوي “الله يفك اسرة يارب ” لما تناقشت معاه في موضوع سكت ولا رد ، ولما رحت المطبخ سمعته يقول حق امي صدمني تفكيرها ماتوقعته كذا …،، وقالتها لي احد قريباتي لما تحدثت معاها في موضوع وكنت زعلانه قالت اعرف انك رائعه يا مضيعه بس ماتوقعت ان تفكرين كذا فاجئتيني !!،، وقالتها لي اختي في حديث معاها من فترة ، قالتلي ماشاء الله عليك والله تفكيرك مو زين تفكير البنات هالجيل )) مادري لية الكل مستخف فيني …

ج4/ اكيد راح احول الى 6 بس قليل 6 هل ممكن احول الى اكثر ( احب رقم 6 لانه تاريخ ميلادي ) >> محد سئلك ..

اوكي على شان محد يزعل 3 مضيع و 3 مضيعات

اسماء النومنيه السته :-

1- يلو تاكسي

2- عالية

3- أيانق

4-سامي منصور

5- الاعصار الاحمر

6- some one

ج5/ تم ترك التعليق بنجاح ..

:

:

وش رايكم في حلي بالله عليكم مو حلي كامل ونموذجي جدا ..

يللة عطوني العلامة الكاملة

]]> http://mbet0hm.wordpress.com/2008/06/16/hw2/feed/ 14 مضــيعــهـ بيتهمـ http://mbet0hm.wordpress.com/2008/06/16/hw1/ http://mbet0hm.wordpress.com/2008/06/16/hw1/#comments Mon, 16 Jun 2008 13:19:39 +0000 mbet0hm http://mbet0hm.wordpress.com/?p=599 ]]>

قام بتمرير الواجب المضيع : ممارس صحي

1. On your blog, post the Rules & 10 things you have HOPE for in your life.
2. LINK Tag to 5 people (we want hope to spread to people!) and LINK the person who tagged you.
3. Comment/Notify the 5 People they’ve been tagged.

(( لاتخافون مابحل بالانجليزي من الفلاحة الزايده بالعربي على شان نحل بالانجليزي ،، شوفوا انا فاهمة وش مكتوب بس ما اقدر اترجم اسفة مو تخصصي ترجمة تخصصي برمجة :d ))

The ten things I have hope for my life:

( العشر الامنيات ممكن انها تتحقق في حياتي ) >> والله العالم اني حالة مثل هالواجب ومتأكدة بعد بس مالى خلق ادور الحل بمدونتي ..

لكن اسفة ما راح اقول 10 امنيات لانه كثير …!!!

لو الامنيات تتحقق ومجرد ما اكتبها ، كان في كل بوست وبكل دقيقة وثانية انزل امنيه من امنياتي بهذي الحياة ..

:

ولكن …

امنيه واتمناها الان وبهذا الوقت، وبهذي الدقيقة ،وبهذي اللحظة وانا اكتب البوست ….

هـــــــــــي

عودت بابا الى المنزل من جديد

ما يحق لي اتمنى مثل هذي الامنية البسيطة في الدنيا ؟؟

ما يحق لي كافتاة ان تكون اسرتي كاملة هذا الصيف ..؟؟

ما يحق لي ان انادي بابا بالبيت ؟؟

مايحق لي اشوف ابوي كل يوم زي ما انا اشوفة قبل ..؟؟

ما يحق لي ان اتمنى مثل هذي الامنية اللى ممكن تتحقق ولكن ماندري كيف ..

مايحق ان هذي الامنية تكون حقيقة في اقرب وقت ممكن ، واحلامي اللى احلمها في كل يوم وان والدي يدخل المنزل و احتضنه تكون حقيقة …

:

يمكن يوم من الايام اسوي تحديث على هذي الصفحة واكتب امنياتي العشرة واضيف عليها 10 هديه لكم

لن اكتب لكم اليوم عن مكالمة والدي ..!!

ولن اتحدث لكم عن انتظاري حتى يتصل ..!!

ولكن :  ( عندما سمعت صوت الأذان الظهر فقدت الامل انه راح يتصل وفجاءة يرن الجوال ورقم بدون اسم  ، اول مرة ارفع جوال مضيع واقول ” اهلا بابا “ وبقوة وحماس ..!! كان المفروض اتاكد مين المتصل، ولكن الحمدلله انه كان صحيح بابا ) …

:

الاتصال لم يتغير كما هو ، لانستطيع معرفت الكثير عن اخبارة …!!!

ولا نسيتطع ان نخبره عن اخبارنا بالتفصيل …!!

كل المكالمة : بابا كيف حالك ؟،، واحنا بخير وطيبين !!!…

( ومضيع يقول لاتصيحون تقطعون قلبه ، والسماعه لازم تنتقل بين يد الجميع ……الخ والحديث محدود  )

:

كل مرة لما امسك سماعة الجوال واسمع صوته دموعي تسبقني في الحديث  ” اتذكر كيف البيت من دونه ماله اي طعم وشين مرة ، اتذكر انه كان من بينا وفجاءة اختفى عن عيونا ، اتذكر ان عمرنا يوم من الايام ما توقعنا اننا بنفقده بهذي الطريقة ، افكر بالايام اللى مرت بدونة كيف صعبة ومتعبة …”   ولكن ….!!! اليوم كنت شبة بطلة حاولت ان اتمالك نفسي ..

وكنت اضحك فرحانه لانه اتصل وانا تخميني كان خطأ ،، ومن فرحتي قلت له : بابا انقطع قلبي توقعتك ماراح تتصل

هو : وانا اكثر يا بابا جالس اقولهم بسرعه بسرعه عطوني التلفون ابغى اتصل كنت عارف انكم تنتظرون ..

:

:

*اليوم اول مرة يحضر ولد اختي ( عبدالرحمن ) ، (( بيروح صف ثاني ابتدائي )) ..، يوم المكالمة بالعاده يكون بالمدرسة ولا مرة حضر واحنا نتصل على ابوي ..

دحومي دائما يسئل امه وامي ، وين جدي ؟؟؟ لية مانشوفة ؟؟ وينة ؟؟ ومتى راح يرجع …………الخ

من الاسئلة اللى يسئلونها اكثر الاطفال لما يجون زيارة لبيتنا  ..

وكان ردنا دائما ” انه مريض بالمستشفى و ممنوع الزياره  ” ..

اليوم جلس عبدالرحمن ويشوفنا واحنا نكلم ،، سئلته اختي “امه ” تبي تكلم جدي يا عبدالرحمن ؟

كان منسدح على الكنبة ويتفرج وعلامات تعجب فية وجه ، قفز من مكانة وقال اي ابي اكلم ورمى لعبتين كانوا بيده

ركض لين عند الجوال كان بيد ضايعه تكلم ابوي ،، خذ الجوال عبدالرحمن وامة تسئلة وش بتقول له ؟؟ ..

مسك عبدالرحمن سماعة الجوال وقال : الو جدي  ,,

وينك انا من زمان ماشفتك …؟؟؟

————

اللهم اني استغفرك لكل ذنب يرد عنك دعائي ويقطع منك رجائي .. ويطيل في سخطك عنائي ويقصر عنك أملي ..

اللهم اني استغفرك لكل ذنب يميت القلب ، ويشغل الكرب ويشغل الفكر ، ويرضي الشيطان ويسخط الرحمن ..

اللهم اني استغفرك لكل ذنب يعقب اليأس من رحمتك والقنوط من مغفرتك . والحرمان من سعة ماعندك ..

اللهم اني استغفرك لكل ذنب يدني الآجال ويقطع الآمال . ويشين الأعمال ..

اللهم اجمعنا بوالدي عاجل غير اجل

اللهم فك اسرة

اللهم فك اسرة

اللهم فك اسرة

اللهم فك اسرة

اللهم فك اسرة

اللهم فك اسرة واسر كل المسلمين يارب العالمين